ހުޅުމާލެ ފޭސް 2 ގެ ހިޔާޓަވަރެއްގައި މީހަކު ރަހީނުކޮށް އެމީހާގެ އިނގިލި ބުރިކޮށްލަން އުޅުނުކަމަށް ބުނާ މައްސަލައިގައި ހައްޔަރުކުރި 12 މީހުންގެ ވަނަވަރު ފުލުހުން އާއްމުކޮށްފިއެވެ.

ފުލުހުންގެ އިދާރާއިން މިއަދު މީޑިއާތަކަށް ފޮނުވި މެސެޖުގައި ވިދާޅުވީ، އެމީހުންގެ ބަންދާއިމެދު ގޮތެއް ނިންމުމަށް ކޯޓަށް ހާޟިރު ކުރުމުން އޭގެ ތެރެއިން، 3 މީހުން 5 ދުވަހަށް ބަންދު ކުރުމަށް އަދި އަނެއް 9 މީހުން، 7 ދުވަހަށް ބަންދު ކުރުމަށް ކޯޓުން އަމުރު ދީފައިވާ ކަމަށެވެ.

ބުރާސްފަތި ދުވަހުގެ ރޭ ފުލުހުން ހުޅުމާލެ ފޭސް 2 ގައި ހިންގި އޮޕަރޭޝަނުގައި ހައްޔަރުކޮށްފައިވަނީ:

1- އަލްމާން ޢަލީ ޚާލިދު (22އ) / ވެހި، ގދ. ވާދޫ

2- މުޙައްމަދު އިޒްކާން (18އ) / މ. ތިލަކަނޑު

3- އިޒާން އަޙުމަދު (18އ) / ޒޫނައިޓްވިލާ، ކ. ގުރައިދޫ

4- އަޙުމަދު ޒާހިދު (36އ) / ދަންމަރު، ށ. ފޯކައިދޫ

5- އާދަމް ޙުސައިން (48އ) / ޖަމީލާ މަންޒިލް، ލ. މާވަށް

6- އިބްރާހީމް ނަޝީދު (34އ) / ހިޔަލީ ގުލްޝަން، ލ. އިސްދޫ

7- އަޙުމަދު ސަމީޙް (22އ) / ނައިޓް ސްޓަރ، ބ. ގޮައިދޫ

8- އިސްމާއީލް ވިޝާމް މުޙައްމަދު (29އ) / ވ. ގާމާ

9- ވިޝާމް މުޙައްމަދު (23އ) / ޗިޗަންޑާގެ، ގދ. ވާދޫ

10- ވިސާން މުހައްމަދު (30އ) / ހުޅުމާލެ ފްލެޓް އެޗް3-14-17

11- މުޝްތާޤު ޝާކިރު (37އ) / ޖަނަވަރީގެ، ގދ. ވާދޫ

12- ޙަސަން ޣާލިބު (38އ) / އާރެސް، މ. ކޮޅުފުށި

ފުލުހުންގެ އިދާރާއިން ހާމަކުރައްވާފައިވާ ގޮތުގައި، މި މީހުން ބައިވެރިވެގެން، މީހަކު ރަހީނުކޮށްގެން އިނގިލި ބުރިކޮށްލަން އުޅުނީ، ހިޔާގެ 9 ވަނަ ޓަވަރުގެ 20 ވަނަ ފަންގިފިލާގެ 11 ވަނަ އެޕާޓްމަންޓެއްގެ ތެރޭގައެވެ. އެހެން ނަމަވެސް މި ގުރޫޕުން އެމީހާ ރަހީނުކުރީ ކީއްވެގެން ކަމެއް މިހާތަނަށް ފުލުހުން ހާމަކޮށްފައެއް ނުވެއެވެ.