ވޭލް ޝާކުގެ ރިސާރޗެއް ހެދުމުގެ ސްޓަރޑީ ޓުއަރ އެއްގައި ރާއްޖެއައިސް އދ. ދިގުރަށުގައި އުޅުނު ސިންގަޕޫރުގެ ޓީމެއްގައި ހިމެނޭ ކުއްޖަކު ދޯންޏެއްގެ ބުރަފަތީގައި ޖެހި މިއަދު މަރުވެއްޖެއެވެ.

ފުލުހުންގެ އިދާރާއިން ވިދާޅުވީ މިހާދިސާގައި މަރުވެފައި ވަނީ އުމުރުން 15 އަހަރުގެ އަންހެން ކުއްޖެއްކަމަށެވެ. 

ފުލުހުންގެ އިދާރާއިން ވިދާޅުވީ، މިހާދިސާ ހިނގާފައި ވަނީ މިއަދު ހެނދުނު 9:55 ހާއިރުގައި ކަމަށެވެ.

މައުލޫމާތު އެނގޭ ބައެއް ފަރާތްތަކުން ބުނެފައިވާގޮތުގައި އެކުއްޖާ މޫދަށް ފުންމާލި ވަގުތު ދޯނީގެ ބުރަފަތީގައި ޖެހިވަރަށް ބޮޑަށް ޒަޚަމްވިއެވެ. ފުލުހުންގެ އިދާރާއިން ވިދާޅުވީ، ކުއްޖާ ދިގުރަށު ހެލްތު ސެންޓަރަށް ގެންދިޔައިރުވެސް އޮތީ ނިޔާވެފައި ކަމުގައި އެ ސެންޓަރުން ފުލުހުންނަށް މައުލޫމާތު ދީފައިވާ ކަމަށެވެ. 

އަދި މަރުގެ މިހާދިސާ ތަޙްޤީޤު ކުރަމުންދާ ކަމުގައި ފުލުހުންގެ އިދާރާއިން ވަނީ ވިދާޅުވެފައެވެ.