ރ. އަތޮޅުގައި ތަރައްޤީކޮށްފައިވާ އަމާރީ ރާޔާ މޯލްޑިވްސް ރިސޯޓު ހުޅުވައިފިއެވެ. 

މި ރިސޯޓް ހުޅުވުމުގެ ރަސްމިއްޔާތުގައި ޓޫރިޒަމް މިނިސްޓަރ ޑރ. އަބްދުﷲ މައުސޫމްއާއި، ޓޫރިޒަމް މިނިސްޓްރީގެ ސްޓޭޓް މިނިސްޓަރ އަލީ ސާލިހްއާއި މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން، އެމްއެމްޕީއާރުސީގެ މެނޭޖިންގ ޑިރެކްޓަރ ތޮއްޔިބު މުޙައްމަދު ވަނީ ބައިވެރިވެވަޑައިގަންނަވާފައެވެ.

މި ރިސޯޓް ތަރައްޤީކޮށްފައިވަނީ ރ. އަތޮޅު ކުޑަކުރަތުގައެވެ. މިރިސޯޓްގައި 187 ވިލާ ހުރެއެވެ. އޭގެތެރޭގައި ބީޗް ފްރޮންޓް ވިލާތަކާއި، އޯވަރ ވޯޓަރ ވިލާތައް ހިމެނެއެވެ. 

މި ރިސޯޓަކީ ތައިލެންޑްގެ އޮނިކްސް ހޮސްޕިޓަލިޓީ ގުރޫޕުގެ އަމާރީ ބުރޭންޑުގެ ރިސޯޓެކެވެ. ތައިލެންޑްގެ އޮނިކްސް ހޮސްޕިޓަލިޓީ ގުރޫޕުގެ އަމާރީ ބުރޭންޑުގެ ރިސޯޓެއް މިހާރުވެސް ރާއްޖޭގައި އަންނަނީ ހިންގަމުންނެވެ. އެއީ ހުވަދުއަތޮޅު ދެކުނުބުރީ ހަވޮއްޑާގައި ހިންގާއަމާރީ ހަވޮއްޑާ މޯލްޑިވްސް ރިސޯޓެވެ.