Advertisement
އުދަ އަރައި އަނިޔާވި މީހުން ފުލުހުންގެ ކާރަށް އަރުވަނީ ---
ބުރިޖާއި ހައިވޭ ގުޅޭ ސަރަހައްދަށް އުދައަރައި އެތައް ބަޔަކަށް އަނިޔާވެއްޖެ
ސިނަމާލެ ބުރިޖާއި ހައިވޭ ގުޅޭ ޓްރެފިކް ލައިޓް ޖަންގްޝަނަށް އުދަ އަރައި މަދުވެގެން 8 މީހަަކަށް އެކިވަރުގެ އަނިޔާތައް ލިބިއްޖެއެވެ.
މިހާދިސާގައި ގިނަ ބަޔަކަށް އަނިޔާވީ، ވެހިކަލްތައް ލައިޓް ހުރަސް ކުރަމުން ދިޔަ ވަގުތު އެރި ބޮޑު ރާޅަކާއި ސައިކަލްތައް ކަހާލައިގެން ވެއްޓުމާއި ގުޅިގެންނެވެ. ހުޅުމާލެ ކޮޅުން ބުރިޖަށް އެރުމަށް ދިޔަ 6 ސައިކަލެއް ވަނީ ރާޅާއެކި ކަހާލައި ފަންސާހަކަށް ފޫޓަށް ވުރެ ދުރަށް ގެންގޮސްފައެވެ.
ރާޅާއެކު، ރިވެޓްމެންޓްގައި ޖަހާފައި ހުރި ބޮޑެތި ހިލަތައްވެސް ވަނީ ބުރިޖާއި ހައިވޭ ގުޅޭ ޖަންކްޝަނަށް އަރާފައެވެ.
މިހާދިސާގައި އަނިޔާވި މީހުން ފުލުހުންގެ އުޅަނދުތަކުގައި އުފުަމުން ދިޔަ މަންޒަރުތައް ފެނުނެވެ.
މިއީ މާލެ ސަރަހައްދަށް މިފަހުގެ ތާރީޚެއްގައި އުދަ އަރައި ބަޔަކަށް އަނިޔާވި ފުރަތަމަ ފަހަރެވެ.
މާލެ ސަރަހައްދަށް މިހާރު ވަރަށް ބޮޑަށް އުދަ އަރަމުންދާއިރު، އެއްގަމު ދަތުރުފަތުރު ކުރާ ފަރާތްތަކުން ސަމާލު ވުމަށް ކަމާއި ބެހޭ ފަރާތްތަކުން ވަނީ އިލްތިމާސްކޮށްފައެވެ.
