ރާއްޖެއިން ބޭރުގައި ތިބި ދަރިވަރުންނަށް، ކްރެޑިޓް އަދި ޑެބިޓް ކާޑުން މުއާމަލާތު ކުރުމަށް ދޭ ޑޮލަރު ލިމިޓް 1200 ޑޮލަރަށް މަތިކޮށްފިއެވެ.

ދަރިވަރުންނަށް 1200 ޑޮލަރާއި ހަމައަށް ކާޑު ލިމިޓް ބޮޑުކޮށްދެއްވުމަށް ރައީސް ވަޢުދުވެވަޑައިގެންނެވީ ހުސްވި އަހަރުގެ ޑިސެމްބަރު މަހުގެ ތެރޭގައެވެ.

މިއަދު ބޭންކް އޮފް މޯލްޑިވްސްއިން އާއްމު ކުރި އިޢުލާާނުގައި ބުނީ، މިހާރު ދަރިވަރުންނަށް ދެމުން އަންނަ ލިމިޓް އަންނަ ނޮވެމްބަރު މަހުގެ 1 ވަނަ ދުވަހުން ފެށިގެން 1200 ޑޮލަރާއި ހަމައަށް އިތުރުކޮށްދީފައިވާ ކަމަށެވެ. މިހާތަނަށް ދަރިވަރުންނަށް ދެމުން އައިސްފައި ވަނީ 750 ޑޮލަރުގެ ލިމިޓެކެވެ.

މީގެކުރިން މިއަހަރުގެ އޮގަސްޓްމަހުގެ 25 ވަނަ ދުވަހު، ބީއެމްއެލްއިން ވަނީ ރުފިޔާ ކާޑުތަކުން ރާއްޖެއިން ބޭރުގައި މުއާމަލާތް ނުކުރެވޭ ގޮތް ހަދައި، އަދި ޑޮލަރު ލިމިޓް 100ޑޮލަރާއި ހަމައަށް ކުޑަކޮށްފައެވެ. އެހެން ނަމަވެސް ހަމައެދުވަހު ބީއެމްއެލްއިން އެނިންމުން ބަދަލު ކުރިއެވެ. ބީއެމްއެލްގެ އެނިންމުން ސަރުކާރުން ސިފަކޮށްފައި ވަނީ މާލީ ބަޣާވާތެއްގެ ގޮތުގައެވެ.