މިސަރުކާރުން ރާއްޖޭގެ ވައިގެ ސަރަހައްދު ބެެލެހެއްޓުމަށްޓަކައި ގަތް ޑްރޯން ބޭނުންކުރޭތޯ ބެލުމަށް، ޑިފެންސް މިނިސްޓަރ ޣައްސާނު މައުމޫނާއި ސުވާލުކުުރަން މަޖިލީހަށް ހުށައަޅައިފިއެވެ.

މަޖިލީހަށް ޑިފެންސް މިނިސްޓަރ ހާޟިރުކޮށް ސުވާލު ކުރެއްވުމަށް ހުށައަޅާފައި ވަނީ ރައްޔިތުންގެ މަޖިލީގުގެ ގަލޮޅު ދެކުނު ދާއިރާގެ މެމްބަރު މީކާއީލް އަޙްމަދު ނަސީމެވެ. 

މީކާއީލް ޑިފެންސް މިނިސްޓަރާއި ކުރެއްވުމަށް ހުށައަޅުއްވާފައިވާ ސުވާލަކީ، 570 މިލިއަން ރުފިޔާ އާއި ގާތްކުރާ އަދަދެއް ދައްކައިގެން ސިފައިންގެ ޚިދުމަތުގައި ބޭނުން ކުރުމަށް ދިވެހިރާއްޖެއަށް ގެނެސްފައިވާ ޑްރޯންތަކުގެ ބޭނުން ކުރަންފަށާފައި ވޭތޯ އާއި އެޑްރޯންތައް ބޭނުންކޮށްފައި ވަނީ ކޮންކޮން ކަންކަމަަކަށްތޯ ސާފު ކުރެއްވުމަށް ހުށައަޅުއްވާފައިވާ ސުވާލެވެ.

ޑްރޯންތައް ގެނައިފަހުން ގާތްގަނޑަކަށް އެއް އަހަރުވުމާއި ގާތްވެފައި ވާއިރު، ޑްރޯން ބޭނުންކޮށްން އޮޕަރޭޝަނެއް ހިންގިކަން އެމްއެންޑީއެފްއިން ހާމަކޮށްފައި ވަނީ އެންމެ ފަހަރަކުއެވެ. އެއީ މ. ރަތްމަންދޫ ބޭރުން އެޕްރީލް 20، ގައި ގެއްލުނު ދޯންޏެއް ހޯދުމަށް ހިންގި އޮޕަރޭޝަނެއްގައެވެ.