Advertisement
ކުރީގެ ފިނޭންސް މިނިސްޓަ އިބްރާހީމް ޢަމީރު --
އެމްޑީޕީ ސަރުކާރަށް ކުރި ތުހުމަތުތަކަށް އަމީރު ރައްދު ދެއްވައިފި
އެމްޑީޕީ ސަރުކާރުން ދައުލަތުގެ މާލިއްޔަތުގެ ޤާނޫނާއި ޚިލާފަށް އަމަލުކޮށްފައިވާ ކަމަށް ބުނެ މިސަރުކާރުން ކުރި ތުހުމަތުތަކަށް އެމްޑީޕީ ސަރުކާރުގެ ފިނޭންސް މިނިސްޓަރ އިބްރާހީމް ޢަމީރު ރައްދު ދެއްވައިފިއެވެ.
އެމްޑީޕީން ބޭއްވި ނޫސްވެރިންގެ ބައްދަލުވުގައި ވާހަކަފުޅު ދައްކަވަމުން، ކުރީގެ ފިނޭންސް މިނިސްޓަރ އިބްރާހީމް އަމީރު ވަނީ، ދައުލަތުގެ މާލީ ޚަރަދުތައް ބެލެހެއްޓުމުގައި ކުރީ ސަރުކާރުން އަމަލުކޮށްފައިގޮތްތަކާއި، އަދި މިސަރުކާރު ފެއިލްވެފައިވާ ކަންކަންވެސް ހާމަކުރައްވާފައެވެ.
ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް ކުރެއްވި ތުހުމަތުތަކަށްވެސް މިނިސްޓަރ އަމީރު ޖަވާބު ދެއްވިއެވެ.
ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް ކުރެއްވި ޓްވީޓް --
މިއަދުގެ ނޫސްވެރިންގެ ބައްދަލުވުމުގައި އަމީރު ވިދާޅުވީ، ކޮވިޑާ ގުޅޭގޮތުން ނައިބު ރައީސް ކުރެއްވި ޓްވީޓުގައި ހުރީ ތެދު މައުލޫމާތެއް ނޫން ކަމަށެެވެ. އަދި ކޮވިޑް19 އާއެކު ރާއްްޖެއިން ކުރި ހަރަދާއި ލިބުނު ފައިސާ އާއި ތަކެތީގެ އެހީގެ ރެކޯޑު ފިނޭންސް މިނިސްޓްރީ މެދުވެރިކޮށް ބަރާބަރަށް ހާމަކުރަމުން ގެންގޮސްފައިވާ ކަމަށާއި، މިހާރުވެސް އެ ރެކޯޑްތައް ފެންނަން ހުންނާނެ ކަމުގައި މިނިސްޓަރ އަމީރު ވިދާޅުވިއެވެ.
ރައީސުލްޖުމްހޫރިއްޔާގެ އޮފީހުގައި މިދިޔަ ހަފްތާގައި ބޭއްވި ނޫސްވެރިންގެ ބައްދަލުވުމުގައި ފިނޭންސް މިނިސްޓަރ މޫސާ ޒަމީރު ވަނީ، އެމްޑީޕީ ސަރުކާރުން ދައުލަތުގެ މާލިއްޔަތުގެ ޤާނޫނާއި އެއްގޮތަށް ދައުލަތުގެ ހިސާބުތައް ބަލަހައްޓާފައި ނުވާކަމުގައި ވިދާޅުވެފައެވެ.
