ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އަށް ދައްކަން ޖެހޭ ފައިސާ ނުދައްކާ ވިޔަފާރިތަކުގެ ނަންތައް ހާމަކުރުމަށް ނިންމާފައިވާ ކަމުގައި އެކުންފުނިން ބުނެފިއެވެ.

އެޗްޑީސީން އާއްމުކުރި އިއުލާނުގައި ބުނެފައި ވަނީ، އެކުންފުންޏަށް ފައިސާ ދައްކަން ޖެހި ނުދައްކާ ފަރާތްތަކުގެ ތެރެއިން ނައްތައް ހާމަ ކުރާނީ، ވިޔަފާރިތަކާއި، ކުންފުނިތައް ކަމަށެވެ. އެހެން ނަމަވެސް އޭގެ ތެރޭގައި އެކިއެކި ސްކީމްތަކުން އެޗްޑީސީން ދޫކޮށްފައިވާ ފްލެޓްތައް ނުހިމެނޭނެ ކަމުގައިވެސް އެޗްޑީސީން ވަނީ ބުނެފައެވެ.

އެކުންފުނިން ވަނީ، ވިޔަފާރި އުސޫލުންދޭ ޚިދުމަތްތަކަށާއި، ދޫކޮށްފައިވާ ތަންތަނަށް ފައިސާ ދައްކަންޖެހި، ފައިސާ ނުދައްކައި ތިއްބެވި ފަރާތްތަކުން ދައްކަންޖެހޭ ފައިސާ ނޮވެމްބަރު މަހުގެ ނިޔަލަށް ދެއްކުމަށް އަންގާ ކަމަށެވެ.

އެޗްޑީސީން ބުނީ، އެޗްޑީސީގެ އެ އެނިންމުމަކީ އެކުންފުނީގެ ހިންގުން ހަރުދަނާ ކުރުމުގެ ގޮތުން އަޅާ ފިޔަވަޅެއް ކަމަށެވެ. އެނގިފައިވާ ގޮތުގައި، އެޗްޑީސީވެސް އޮތީ އެކުންފުނީގެ ނަމުގައި ނަގާފައިވާ ލޯނުތައް ދެއްކުމުގެ ވަރަށް ބޮޑަށް ދަތިތަކާއި ކުރިމަތިވެފައެވެ.