ސަރުކާރު މުވައްޒަފުންނަށް ހަތަރު ދުވަހުގެ ޗުއްޓީއެއް ލިބޭ ގޮތަށް، ނޮވެމްބަރު މަހުގެ 10 ވަނަ ދުވަހަކީ ސަރުކާރު ބަންދު ދުވަހެއްކަމުގައި ރައީސުލްޖުމްހޫރިއްޔާ ހަމަޖައްސަވައިފިއެވެ.

ރައީސުލްޖުމްހޫރިއްޔާގެ އޮފީހުން ހާމަކުރައްވާފައިވާ ގޮތުގައި، ނޮވެންބަރު 10 ވާ އާދީއްތަ ދުވަހަކީ، ސަރުކާރު ބަންދު ދުވަހެއްގެ ގޮތުގައި ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު ހަމަޖެއްސެވީ، ބަންދު ދުވަސްތަކަށް މެދުކެނޑުމެއްނައިސް، މުވައްޒަފުންނަށް ޗުއްޓީލިބޭގޮތަށް ހަމަޖައްސަވައި ދެއްވުމަށްޓަކައެވެ.

މިއަހަރުގެ ޖުމްހޫރީ ދުވަސް ކަމުގައިވާ ނޮވެމްބަރު މަހުގެ 11 ވަނަ ދުވަސް ދިމާ ވަނީ، ހޯމަ ދުވަހަކަށެވެ. އެހެން ކަމުން ނޮވެމްބަރު މަހުގެ 10 ވާ އާދީއްތަ ދުވަހަކީވެސް ސަރުކާރު ބަންދު ދުވަހެއްކަމުގައި ކަނޑައެޅުމުން، ހަފްތާ ބަންދާއި އެކު ސަރުކާރު ބަންދު ދުވަސްތައްވެސް ހިމަނައިގެން ސަރުކާރު މުވައްޒަފުންނަށް ޖުމުލަ 4 ދުވަސް ރަސްމީ ބަންދު ދުވަސްތަކުގެ ގޮތުގައި ލިބެެއެވެ.

ޖުމްހޫރީ ދުވަހުގެ ބަންދަށްފަހުގައި ސަރުކާރު އަލުން ހުޅުވޭނީ، 12 ނޮވެމްބަރު 2024ވާ އަންގާރަ ދުވަހުގައެވެ.