ނިޔާވި ނަބީޙްގެ ހަށިގަނޑު އެމްބިއުލާންސްގައި ގެންދަނީ --- ފޮޓޯ: އަލިފުށި އޮންލައިން ފޭސްބުކް
އަލިފުށީ ގައި މަސްހިފަން ފޭބި މީހަކު މަރުވެއްޖެ
ރ. އަލިފުށީ ފުއްޓަރު ފަރާތުން އުރަފަށަށް، މަސްހިފަން ފޭބި މީހަކު މަރުވެއްޖެއެވެ.
ފުލުހުންގެ އިދާރާއިން ވިދާޅުވީ، ހާދިސާގެ ރިޕޯޓް ފުލުހުންނަށް ލިބިފައި ވަނީ މިއަދުގެ މެންދުރު 12:08 ހާއިރުގައި ކަމަށެވެ. މިހާދިސާގައި ނިޔާވެފައި ވަނީ، ރ.އަލިފުށި / ކަޝްމީރު ، ނަބީހު ޙަސަން (24 އަހަރު) އެވެ.
އޭނާ މަސް ހިފަން ފޭބީ އިތުރު ދެމީހަކާއި އެކުގައި ކަމަށް ފުލުހުންގެ އިދާރާއިން ވަނީ ބުނެފައެވެ.
ނަބީޙް ގެއްލިގެން ހޯދަމުން ދަނިކޮށް އޭނާ ފެނިފައި ވަނީ، މޫދު އަޑީގައި އޮއްވައެެވެ. އަދި ޑައިވަރުންގެ އެހީތެރިކަމާއި އެކު އޭނާ ނަގައިގެން، އަލިފުށި ޞިއްޙީމަރުކަޒަށް ގެންދެވުނު އިރުވެސް އޮތީ ނިޔާވެފައި ކަމުގައި ފުލުހުންގެ އިދާރާއިން ވިދާޅުވިއެވެ.
ފުލުހުންގެ އިދާރާއިން ވިދާޅުވީ މަރުގެ މިމައްސަލަ ތަޙްޤީޤު ކުރަމުންދާ ކަމަށެވެ.