ހަމާސްގެ ލީޑަރު ޔަހްޔާ ސިންވާރު ޝަހީދުކޮށްލެއްވިއްޖެކަމަށް އިޒްރާއީލްގެ ހައްދު ފަހަނައެޅި އަސްކަރިއްޔާއިން ބުނެފިއެވެ.

އިޒްރާއީލުން ވަނީ، ރަފަޙްއަށް މިއަދު ވަރުގަދަ ހަމަލާތަކެއް ދީފައެވެ.

ސިންވާރުގެ ޝަހީދުވެފައިވާ ހަށިގަނޑުކަމަށް ބުނާ ހަށިގަނޑެއްގެ ފޮޓޯ، މިހާރު ދަނީ ސޯޝަލްމީޑިއާގައި ދައުރުވަމުންނެވެ. އެފޮޓޯގައި ފެންނަ ހަށިގަނޑަށް ބަލާއިރު، އެއީ ޔަޙްޔާ ސިންވާރުގެ ހަށިގަނޑުކަމަށް ވަރަށް ބޮޑަށް ޤަބޫލު ކުރެވޭކަމަށް އީރާނުގެ ޚަބަރުތައް ގެނެސްދޭ ބައެއް މަސްދަރުތަކުންވެސް ބުނެފައިވެއެވެ.

ޔަހްޔާ ސިންވާރު ޝަހީދުކޮށްލުމަށް އިޒްރޭލުން މަސައްކަތް ކުރަމުން އަންނަތާ އަހަރުތަކެއް ވެއްޖެއެވެ. 

ޔަޙްޔާ ސިންވާރު ދުނިޔޭގެ އަލިކަން ދެކެވަޑައިގަތީ، 1962 ވަނަ އަހަރު ޣައްޒާގެ ދެކުނުގައި އޮންނަ ޚާންޔޫނުސްގެ ރެފިއުޖީ ކޭމްޕެއްގައެވެ. އިޒްރާއީލާ ދެކޮޅަށް ދެމުން އަންނަ ހަމަލާތަކާއި ގުޅިގެން، ސިންވާރު ވަނީ އިސްރާއީލުގެ ޖަލުތަކުގައި 20 އަހަރަށްވުރެ ގިނަ ދުވަހު ބަންދުކޮށްފައި ބަހައްޓާފައެވެ. ޔަޙްޔާ ސިންވާރު ޙަމާސްގެ ހަރަކާތްތަކުގައި ޖިހާދުގެ މައިދާނަށް ނުކުމެވަޑައިގެންނެވީ، ފަަލަސްޠީނުގެ ރައްޔިތުންގެ 1980 ވަނަ އަހަރު ފެށި ފުރަތަމަ އިންތިފާޟާއާއެކުގައެވެ.

އިޒްރާއީލުގެ ހަމަލާތަކުގައި ލުބުނާނުގެ ޙިޒްބުﷲ ލީޑަރު ޙަސަން ނަޞްރުﷲވެސް ވަނީ އަވަހާރަކޮށްލާފައެވެ.