Advertisement
ބީއެމްއެލްގެ އައު ސީއީއޯ މުޙައްމަދު ޝަރީފް --
ބޭންކް އޮފް މޯލްޑިވްސްގެ ސީއީއޯގެ މަޤާމަށް ޝަރީފް ޢައްޔަނުކުރައްވައިިފި
ބޭންކް އޮފް މޯލްޑިވްސް، ބީ.އެމް.އެލްގެ ސީއީއޯގެ މަޤާމަށް މުޙައްމަދު ޝަރީފް ޢައްޔަނުކުރައްވައިފިއެވެ.
އޭނާ އެމަޤާމަށް މިއަދު ޢައްޔަނުކުރައްވާފައިވާ ކަން ހާމަކުރައްވައި ބީއެމްއެލްއިން ވަނީ އެކަން އިޢުލާނުކޮށް އޭނާއަށް މަރުޚަބާވެސް ދަންނަވާފައެވެ.
މާލީ ދާއިރާއިން މަތީތަޢުލީމު ޙާސިލްކުރައްވާފައިވާ، މުޙައްމަދު ޝަރީފަކީ، ބީއެމްއެލްގެ ޑެޕިއުޓީ ސީއީއޯގެ މަޤާމުވެސް ކުރިން ފުރުއްވާފައިވާ ބޭފުޅެކެވެ. އޭނާ 2020 ވަނަ އަހަރާއި ހަމައަށް ބީއެމްއެލްގައި މަސައްކަތް ކުރައްވާފައިވެއެވެ.
މާލީ ދާއިރާގައި 25 އަހަރެއްހާ ދުވަހު މަސައްކަތްޕުޅު ކުރައްވާފައިވާ މުޙައްމަދު ޝަރީފް ބީއެމްއެލްއާ މިގުޅިވަޑައިގަތީ އެބޭންކަށް ވަރަށް ބޮޑު ގޮންޖެހުންތަކެއް ކުރިމަތިވެފައި އޮތް ދަނޑިވަޅެއްގައެވެ. އަދި މާލީ ބަޣާވާތެއްގެ ތުހުމަތު އަޅުވައި ބޭންކުގެ ސީނިއާ މެނޭޖްމަންޓްގެ ނަން ކިލަނބުކޮށްފައިވާ ވަގުތެއްގައެވެ.
އެންމެ ފަހުން، ބޭންކް އޮފް މޯލްޑިވްސްގެ ސީއީއޯގެ މަޤާމުގައި ހުންނެވި ކާރލް ސްޓުމަކް މަޤާމުން އިސްތިއުފާ ދެއްވިކަން އިޢުލާނުކުރެއްވީ، މިހުސްވި ސެޕްޓެމްބަރު މަހުގެ 7 ވަނަ ދުވަހުގައެވެ.
