Advertisement
ތެލަސީމިއާ ހޮސްޕިޓަލް އިމާރާތް ކުރުމުގެ އެއްބަސްވުމުގައި ސޮއެކުރުން ---
ތެލަސީމިއާ ހޮސްޕިޓަލް އެޅުމުގެ އެއްބަސްވުމުގައި ސޮއެކޮށްފި
ތެލެސީމިއާ ހޮސްޕިޓަލް އެޅުމުގެ އެއްބަސްވުމުގައި، ރޭ ސޮއެކޮށްފިއެވެ.
އެކަމަށްޓަކައި ބޭއްވި ޚާއްޞަ ރަސްމިއްޔާތުގައި، އެއްބަސްވުމުގައި ދިވެހި ސަރުކާރުގެ ފަރާތުން ސޮއިކުރެއްވީ ހެލްތު މިނިސްޓަރު އަބްދުﷲ ނާޒިމް އިބްރާހީމެވެ. މެޑޯ އޭޝިއާ ކުންފުނީގެ ފަރާތުން އެ ކުންފުނީގެ ސީއީއޯ އަދި އެމްޑީ ސްޓުއާޓް ޖޭ ވެނާ ޕެކް އާއި ޗިން ހިން ގްރޫޕްގެ ފަރާތުން އެ ގުރޫޕް ސީއީއޯ ރޮޖާ ލިން ވަނީ ސޮއެކުރައްވާފައެވެ.
ތެލަސީިމިއާ ހޮސްޕިޓަލް އެޅުމުގެ މަސައްކަތް ހަވާލުކޮށްފައި ވަނީ، މެޑޯ އޭޝިއާ ކުންފުންޏާއި ޗިން ހިން ގްރޫޕް ބަރްހާދްއާ އެވެ.
ރޭގެ ރަސްމިއްޔާތުގައި ވަނީ ތެލަސީމިއާ ހޮސްޕިޓަލް ހުންނާނެ ގޮތުގެ ވީޑިއޯއެއް ވަނީ ދައްކާފައެވެ.
ތެލަސީމިއާ ހޮސްޕިޓަލުގެ ތްރީޑީ ވީޑިއޯ --
ތެލަސީމިއާ ހޮސްޕިޓަލުގެ ޑިޒައިންނަށް ބަލާއިރު އެ ހޮސްޕިޓަލަކީ، ތިން ފަންގިފިލާއަށް އިމާރާތްކުރާ ތަނެކެވެ. އެ އިމާރާތުގެ ގުރައުންޑް ފްލޯ ހާސަކޮށްފައި ވަނީ އެމާޖެންސީ ޚިދުމަތްތައް ދިނުމުގެ އިތުރުން، ކުޑަކުދިން ކުޅޭ އޭރިއާއަކާއި ކެންޓީނެއް ހިމެނޭ ގޮތަށެވެ.
ތެލަސީމިއާ ހޮސްޕިޓަލް އެޅުމަށް ނިންމާފައި ވަނީ ހުޅުމާލެ ފޭސް 2 ގައެވެ. މިހޮސްޕިޓަލު އިމާރާތްކުރުމަކީ، ރައީސުލްޖުމްހޫރިއްޔާ ޑރ. މުހައްމަދު މުޢިއްޒުގެ ރިޔާސީ ވަޢުދެކެވެ.
