ހުސްވި ސެޕްޓެމްބަރު މަހުގެ 24 ވަނަ ދުވަހު މާފުށީ ޖަލުގައި ހުއްޓައި މަރުވި އުމުރުން ދުވަސްމީހާގެ ހަށިގަނޑުގެ ޕޯސްޓް މޯޓަމް ހެދުމަށްފަހުގައި، ރާއްޖެ ގެނެސްފިއެވެ.

ފުލުހުންގެ އިދާރާއިން ވިދާޅުވީ، އެމީހާގެ ހަށިގަނޑު އަނބުރާ ރާއްޖެއަށް ގެނެސްފައި ވަނީ، އިއްޔެ ކަމަށެވެ. 

މާފުށީ ޖަލުގައި ހުއްޓައި މަރުވި އެމީހާއަކީ ކުޑަކުދިންނަށް ޖިންސީ ގޯނާކުރުމުގެ ރެކޯޑްތައް އޮންނަ މީހެކެވެ. އޭނާ ޖަލަށް ލާފައި ހުރީވެސް 15 އަހަރުގެ ކުއްޖަކަށް ޖިންސީ ގޯނާ ކުރުމުގެ މައްސަލައެއްގައެެވެ. މޯލްޑިވްސް ކަރެކްޝަނަލް ސަރވިސް އާއި ފުލުހުންގެ އިދާރާއިން ހާމަކުރައްވާފައިވާ ގޮތުގައި އުމުރުން 62 އަހަރުގެ ދިވެހި އެ ފިރިހެންމީހާ މަރުވެފައި ވަނީ ދަންޖެހިގެންނެވެ.

މަރުގެ މިމައްސަލަ ފުލުހުން ގެންދަނީ ތަޙްޤީޤު ކުރަމުންނެވެ.