Advertisement
ޕްރޮސެކިއުޓަރ ޖެނެރަލް އަލްއުސްތާޛު ޢައްބާސް ޝަރީފް -- ފޮޓޯ: ޕީއެސްއެމް
ޕީޖީއަށް ޝަކުވާ ހުށައެއެޅުމުގެ ފުރުޞަތު ހުޅުވާލައިފި
އެކި މައްސަލަތަކާއި ގުޅިގެން، ޕްރޮސެކިއަުޓަރ ޖެނެރަލްއަށް އާއްމުން ޝަކުވާ ހުށައެއެޅުމުގެ ފުރުޞަތު ހުޅުވާލައިފިއެވެ.
މިއަދު ބޭއްވި ނޫސްވެރިންގެ ބައްދަލުވުުމުގައި ޕްރޮސެކިއުޓަރ ޖެނެރަލް ޢައްބާސް ޝަރީފް ވިދާޅުވީީ، ތިން ހަފްތާގެ ތެރޭގައި އާއްމު ގިނަ ފަރާތްތަކުގެ ޝަކުވާތަކެއް ލިބިފައިވާ ކަމަށެވެ. އެހެންވެ ރަސްމީކޮށް އާއްމުންނަށް ކަންބޮޑުވުންތަކާއި ޝަކުވާތައް ހުށައެޅުމުގެ ފުރުޞަތު މިއަދުން ފެށިގެން 20 ދުވަހުގެ މުއްދަތަށް ހުޅުވާލާަފައިވާ ކަމުގައި ޕީޖީ ވިދާޅުވިއެވެ.
ޕީޖީ ޢައްބާސް ޝަރީފް ވިދާޅުވީ، އެންމެ ގިނަ ޝަކުވާތައް ލިބެމުން އަންނަނީ، ކުރިންކޮށްފައިވާ ދައުވާތަކާއި ގުޅިގެން ކަމަށެވެ. އަދި މައްސަލަތައް ދިގުލައިގެން ދިޔުމާއި ނުނިމި ގިނަ ދުވަސްވެފައިވާ މައްސަލަތަކުގައި ލުޔެއް ނުލިބޭތީ ޝަކުވާތައް ލިބިފައިވާކަމުގައި ޕީޖީ ވިދާޅުވިއެވެ.
ޕީޖީ ވިދާޅުވީ ހުށައެޅޭ ޝަކުވާތަކާއި ގުޅިގެން މައްސަލަތައް ބަލައި ޖަވާބުދޭނީ ޕީޖީގެ ކަމާއި ގުޅުންހުރި ބޭފުޅުން ކަމަށެވެ. އަދި ޕީޖީ އަމިއްލަފުޅަށް އެއްވެސް މައްސަލައެއް ރިވިއު ނުކުރައްވާނެ ކަމުގައިވެސް ވިދާޅުވިއެވެ.
ޕީޖީ ވިދާޅުވީ، އަމިއްލަފުޅަށް އެއްވެސް މައްސަލައެއް ރިވިއު ނުކުރެއްވުމަށް ނިންމެވީ، އެކަމާއި ގުޅިގެން ކުރެވިދާނެ ތުހުމަތުތަކަށް ޖާގަ ނުދެއްވުމުގެ ގޮތުން ކަމަށެވެ.
މިއަދު ބޭއްވި ނޫސްވެރިންގެ ބައްދަލުވުމަކީ ޕީޖީގެ މަޤާމަށް ޢައްބާސް ޝަރީފު ވަޑައިގެން ބޭއްވި ފުރަތަމަ ނޫސްވެރިންގެ ބައްދަލުވުމެވެ.
