ލުބުނާންގެ ހިޒްބުﷲގެ ލީޑަރުގެ މަޤާމަށް، އެޖަމާޢަތުގެ ކުރީގެ ލީޑަރު، ޙަސަން ނަސްރުﷲ ގެ އާއިލީ ބޭފުޅެއް ކަމުގައިވާ ޙާޝިމް ޝަފީޢުއްދީން ހަމަޖައްސައިފިއެވެ.

ހިޒްބުﷲގެ އައު ލީޑަރު ޙާޝިމް ޝަފީޢުއްދީން އެޖަމާޢަތުގެ ވެރިއަކަށް ހަމަޖައްސާފައި ވަނީ، އިޒްރާއީލުން ދިން ވައިގެ ހަމަލާއެއްގައި، އެޖަމާޢަތުގެ ލީޑަރު ޙަސަން ނަޞްރުﷲ އަވަހާރަކޮށްލުމާއި ގުޅިގެންނެވެ.ހިޒްބުﷲގެ ލީޑަރުގެ މަޤާމަށް، ޙާޝިމް ޝަފީޢުއްދީން ހަމަޖެއްސި ނަމަވެސް އެކަން ޙިޒްބުﷲއިން ރަސްމީކޮށް އަދި ހާމައެއް ނުކުރެއެވެ.

މީގެ އިތުރުން އެޖަމާޢަތުގެ ޑެޕިއުޓީ ލީޑަރު ނަބީލް ކާއޫކްވެސް އިއްޔެ ދިން ވައިގެ ހަމަލާގައި މަރުވެފައިވާ ކަމަށް އިޒްރާއީލުން ވަނީ ބުނެފައެވެ.

އިޒްރާއީލުން ލުބުނާނަށް ދޭ ހަމަލާތައް އިތުރުކޮށްފައި ވާއިރު، އެއްގަމު މަގުން ދެކުނު ލުުބުނާނަށް ވަނުމަށް އިޒްރާއީލުގެ ސިފައިން ތައްޔާރުވަމުން އަންނަ ކަމުގައި، މީޑިއާތަކުން ވަނީ ރިޕޯޓްކޮށްފައެވެ.