އިޒްރާއީލުން އިއްޔެ ލުބުނާނަށް ދިން ވަރުގަދަ ވައިގެ ހަމަލާތަކުގައި ހިޒްބުﷲ ގެ ލީޑަރު ޙަސަން ނަޞްރުﷲ އަވަހާރަވެފައިވާ ކަމުގައި، އެޖަމާޢަތުން ރަސްމީކޮށް ބުނެފިއެވެ.

އިޒްރާއީލުން ވަނީ، ކާޕެޓްބޮމުން ލުބުނާންގެ ބެއިރޫތުގެ ދެހިޔާއަށް ހަމަލާދީ، މީހުން ދިރިއުޅޭ ބްލޮކެއްގެ ހުރިހާ އިމާރާތް އެއްކޮށް ވެއްޔަށް ހަދާލާފައެވެ. އެހަމަލާގައި 6 ނުވަތަ 9 އިމާރާތް މުޅިން ފުނޑުފުނޑުވެގެން ދިޔަ ކަމުގައި ލުބުނާނުގެ ރަސްމީ ފަރާތްތަކުން ބުނެފައިވެއެވެ. އިޒްރާއީލުގެ އެހަމަލާގައި މަރުވީ ކިހާ މީހުންނެއް ކަމެއްވެސް އަދި ސާފެއް ނުވެއެވެ. 

ހޯމަ ދުވަހުންފެށިގެން އިޒްރާއީލުން ދެމުން އަންނަ ހަމަލާތަކުގައި މިހާތަނަށް 700 ވުރެ ގިނަ މީހުން ލުުބުނާނުން ވަނީ މަރުވެފައެވެ. އޭގެ ތެރޭގައި ގިނަ އަދަދެއްގެ ކުޑަކުދިންވެސް ހިމެނެއެވެ.