އދ.ގެ އާއްމު މަޖިލީހުގެ 79 ވަނަ ބައްދަލުވުމުގައި ތަޤުރީރު ކުރައްވަމުން ގެންދެވުމުގެ ތެރޭގައި ހެއިޓީގެ ބޮޑު ވަޒީރު، އެރިއަލް ހެންރީ ޖަގުގައި ތުންޖައްސަވައިގެން ފެންފޮދު ހިއްޕަވައިފިއެވެ.

ހެއިޓީގެ ބޮޑު ވަޒީރު، އެރިއަލް ހެންރީ ޕޯޑިއަމްގައި ހުންނަވައި، ވާހަކަފުޅު ދައްކަވަމުން ގޮސް ކުއްލިއަކަށް، ފެންޖަގު ނަންގަވައި އޭގައި ތުންޖެއްސެވުމުން އާއްމު މަޖިލީހުގެ ތަޅުމުގައި ތިއްބެވި ފަރާތްތަކަށްވެސް ހައިރާންކަން ލިބުނެވެ. އަދި ބައެއް މަންދޫބުން ހިނިފުޅުވެސްވެޑުވިއެވެ.

އެއީ އަދަބު ކުޑަ އަމަލަކަށްވާއިރު، ހެއިޓީގެ ބޮޑު ވަޒީރުވެސް ވަނީ އަމިއްލަފުޅަށްވެސް އެކަން ކުރެވުނު ގޮތާއި މެދު ހައިރާންވެވަޑައިގެންނެވި ކަމަށާއި، އެއީ އިޚްތިޔާރެއް ނެތި ވީ ކަމެއްކަން ފާހަގަކުރައްވާފައެވެ.

އދ.ގެ އާންމު މަޖިލީހަކީ ސީރިއަސް ސިޔާސީ މައްސަލަތަކުގެ ވާހަކަ ދެކެވޭ ތަނެއް ނަމަވެސް، އާއްމު މަޖިލީހުގެ ޕޯޑިއަމްގައި ހެއިޓީގެ ބޮޑުވަޒީރު އެރިއެލް ހެންރީގެ ތަގުރީރުގެ ތެރެއިން ދިމާވި މިކަމާއި ގުޅިގެން އިތުރު ސަމާލު ކަމެއް ލިބުނެވެ. ހެއިޓީއަކީ، ސަރުކާރުގެ ކޮންޓްރޯލް ގެއްލި ގޭންގުތައް އެންމެ ބޮޑަށް ހަރަކާތްތެރިވާ ޤައުމެވެ.