ބޭންކް އޮފް މޯލްޑިވްސްގެ ދެ ލޯނަކަށް ރަހުނުކޮށްފައިވާ ދެގެއެއް ސިޓީލާ ނީލަމުގައި ވިއްކާލުމަށް ބޭންކް އޮފް މޯލްޑިވްސް ބީއެމްއެލްއިން އިއުލާނުކޮށްފިއެވެ.

ބީއެމްއެލްއިން ހާމަކޮށްފައިވާ ގޮތުގައި، ވިއްކާލަން ނިންމާފައިވާ ދެ ގެއަކީ، މ. ނާއިންފަރުއާގެ އާއި، މ. ބީޗްކޯނާ ގެއެވެ.

ނީލަމުގައި ވިއްކާލުމަށް ނިންމާފައިވާ، މ. ނާއިންފަރުއާގޭގެ ނީލަން ފެށޭ އަގަކީ، 13 މިލިޔަން ރުފިިޔާއެވެ. އެގެ ނީލަމުގައި ވިއްކާލުމަށް ހަމަޖައްސާފައި ވަނި އަންނަ އޮކްޓޫބަރު މަހުގެ 10 ވަނަ ދުވަހުގައެވެ. އެ ގެއަކީ، 792 އަކަފޫޓޫގެ ގެއެކެވެ. ވިއްކާލުމަށް އިއުލާނުކޮށްފައިވާ މ. ބީޗްކޯނާއަކީ، 927.33 އަކަފޫޓުގެ ގެއެކެވެ. އެގެ ވިއްކާލުމަށް ނީލަން ފެށޭ އަގަކީ، 23.8 މިިލިޔަން ރުފިޔާއެވެ. 

ބީއެމްއެލްއިން ހާމަކޮށްފައިވާ ގޮތުގައި އެގެތައް ނީލަމުގައި ވިއްކާލަން ހަމަޖައްސާފައި ވަނީ، އެންމެ ބޮޑު އަގެއް ހުށައަޅާ ފަރާތަކަށެވެ.