Advertisement
ރައީސް ޑރ. މުއިއްޒު މީޑިއާއާ ވާހަކަފުޅު ދައްކަވަނީ ---
ފަލަސްޠީނަށް ތާޢީދުކުރުމުގައި ދިވެހިރާއްޖެ ދެމި އޮންނާނެ: ރައީސް
ފަލަސްޠީނަށް ތާޢީދު ކުރުމުގައި ދިވެހިރާއްޖެއިން ދެމިއޮންނާނެ ކަމުގެ ޔަޤީންކަން ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ދެއްވައިފިއެވެ.
އދ.ގެ ޢާންމު މަޖިލީހުގެ 79 ވަނަ ސެޝަންގެ ހަވާސާގައި ފަލަސްޠީނުގެ ރައީސް ޑޮކްޓަރ މަޙްމޫދު ޢައްބާޞްއާ އާއިއެކު ބޭއްވެވި ބައްދަލުކުރެއްވުމަށްފަހުގައި، ދެއްވި ބަސްދީގަތުމުގައި، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވީ، ދިވެހިން އަބަދުވެސް ތިބޭނީ ފަލަސްޠީނު ރައްޔިތުންނާއެކު ކަމަށާއި، ދިވެހިންގެ ފަރާތުން ފަލަސްޠީނުގެ ރައްޔިތުންނަށް ވެދެވެން އޮތް ކޮންމެ އެހީއެއް ވެދެމުންދާނެ ކަމަށެވެ.
ފަލަސްޠީނުގެ މައްސަލަ ޙައްލުކުރުމުގައި ދެ ދައުލަތުގެ ހައްލަށް ދިވެހިރާއްޖެއިން ތާއީދު ކުރެއެވެ. ދިވެހިރާއްޖެއިން ވަކާލާތު ކުރަމުން އަންނަނީ، ފަލަސްޠީނުގެ މިނިވަން ދައުލަތް ޤާއިމްކުރުމަށާއި، އެދައުލަތުގެ ވެރިރަށަކީ އިރުމަތީ ޤުދުސްކަމުގައި ކަނޑައެޅުމަށެވެ.
