ތިލަދުންމައްޗަށްކުރެއްވި ކެމްޕޭން ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މާލެ ވަޑައިގެންފިއެވެ.

ރައީސުލްޖުމްހޫރިއްޔާ އިންތިޚާބުގެ ކެމްޕޭނަށް ރައީސުލްޖުމްހޫރިއްޔާ، ފުރާވަޑައިގެންނެވީ، ޖުލައި 29 ވަނަ ދުވަހުގައެވެ. އެންމެ ފުރަތަމަ އެމަނިކުފާނު ވަޑައިގެންނެވީ، ފުވައްމުލަކަށެވެ. އޭގެފަހުން ވަނީ، މިލަދުންމަޑުލު އުތުރުބުރީގެ ބައެއް ރަށްރަށަށް ވަޑައިގެންފައެވެ.

މިދަތުރުފުޅުގެ ތެރެއިން ރައީސުލްޖުމްހޫރިއްޔާ ތިލަދުންމަތީ އުތުރުބުރިއަށް ވަޑައިގެންނެވީ އޮގަސްޓް ފުރަތަމަ ދުވަހުގައެވެ. އިއްޔެއާ ހަމައަށް ރައީސުލްޖުމްހޫރިއްޔާ ވަނީ، މިލަންދުންމަޑުލު އުތުރުބުރިއާ އަދި ތިލަދުންމަތީ އުތުރުބުރީގެ ހުރިހާ ރަށަކަށް ކެމްޕޭންގައި ވަޑައިގެންފައެވެ.

ރައީސުލްޖުމްހޫރިއްޔާ ވިދާޅުވި ގޮތުގައި، ދެން ކެމްޕޭނުގައި ވަޑައިގެންނެވުމަށް ހަމަޖެހިފައި ވަނީ، ތިލަދުންމަތީ ދެކުނުބުރީގެ ރަށްރަށަށެވެ، ކެމްޕޭން ދަތުރުފުޅަށް ފަހު ނޫސްވެރިންނާއި ބައްދަލު ކުރައްވައި ރައީސުލްޖުމްހޫރިއްޔާ ވިދާޅުވީ ވަޑައިގެންނެވި ހުރިހާ ރަށެއްގެ ރައްޔިތުންގެ ފަރާތުންވެސް ވަނީ އެމަނިކުފާނަށް ހޫނު މަރުޙަބާއެއް ދަންނަވާފައެވެ.