Advertisement
ވެމްކޯގެ ޑީއެމްޑީގެ މަޤާމަށް ހަމަޖައްސަވާފައިވާ އިބްރާހީމް ނާއިފް --
ނާއިފް ވެމްކޯގެ ޑީއެމްޑީގެ މަޤާމަށް ޢައްޔަނުކޮށްފި
ފެނަކަ ކޯޕަރޭޝަންގެ ޑެޕިއުޓީ މެނޭޖިން ޑިރެކްޓަރުގެ މަގާމުން މިދިޔަމަހު ވަކިކުރެއްވި، އިބްރާހީމް ނާއިފް ވެމްކޯގެ މެނޭޖިންގ ޑައިރެކްޓަރުގެ މަޤާމަށް ޢައްޔަނުކުރައްވައިފިއެވެ.
ނާއިފް ވެމްކޯގެ ޑީއެމްޑީގެ މަޤާމަށް ހަމަޖެއްސެވިކަން ހާމަކޮށް އެކުންފުނިން ވަނީ ނާއިފްއަށް މަރުޚަބާވެސް ދަންނަވާފައެވެ.
ހުސްވި އަހަރުގެ ޑިސެމްބަރު މަހުގެ 11 ވަނަ ދުވަހު، ނާއިފް ފެނަކަ ކޯޕަރޭޝަންގެ ޑީއެމްޑީގެ މަޤާމަށް ޢައްޔަނުކުރެއްވި އިރު، އޭނާ އެކުންފުނިން ވަކިކުރައްވާފައި ވަނީ، ހުސްވި އޮގަސްޓް މަހުގެ 9 ވަނަ ދުވަހުގައެވެ. އޭނާ އާއިއެކު އެދުވަހު، ފެނަނަ ކޯޕަރޭޝަންގެ ޗެއާމަން އަހުމަދު ޝަހީރާއި، ޑިރެކްޓަރުންގެ ބޯޑުގެ މެމްބަރު އަހްމަދު އީހާބުވެސް ވަކި ކުރެއްވިއެވެ. އެހެން ނަމަވެސް އެބޭފުޅުން މަޤާމުން ވަކި ކުރެއްވި ސަބަބެެއް އޭރުވެސް ސަރުކާރުން ހާމަކުރައްވާފައެއް ނުވެއެވެ.
އިބްރާހީމް ނާއިފަކީ، މިހާރުގެ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ކެމްޕޭނުގައި ވަރަށް އިސް ދައުރެއް އަދާކުރެއްވި ބޭފުޅެކެވެ. އަދި އޭނާ އަކީ ސަރުކާރު ހިންގާ ޕާޓީ ޕީއެންސީގެ ޚަޒާންދާރުގެ މަޤާމުންވެސް ފުރުއްވާފައިވާ ބޭފުޅެކެވެ.
