ޕްރޮސެކިއުޓާ ޖެނެރަލް (ޕީޖީ) ގެ މަގާމަށް, ރައްޔިތުންގެ މަޖިލީހުގެ ރުހުން ހޯއްދެވުމަށް، ރައީސް ޑރ. މުހައްމަދު މުއިއްޒު މަޖިލީހަށް ނަންފުޅު ފޮނުއްވެވި، ހ. ޔެލޯރޯޒް، ޢައްބާސް ޝަރީފަށް ރައްޔިތުންގެ މަޖިލީހުން ރުހުންދީފިއެވެ.

މިއަދު ބޭއްވި ރައްޔިތުންގެ މަޖިލީހުގެ ދައުރުން ބޭރުގެ ތިންވަނަ ޖަލްސާގައި، ޢައްބާސް ޝަރީފަށް ރުހުންދޭން ފެނޭތޯ ބެލުމަށް ނެގި ވޯޓުގައި ބައިވެރިވެވަޑައިގެންނެވި މެމްބަރުންގެ އިއްތިފާޤުން ފާސްކުރައްވާފައި ވަނީ ޢައްބާސް ޝަރީފަށް ރުހުން ދިނުމަށް ފެންނަ ކަމަށެވެ.

ޢައްބާސް ޝަރީފަށް ރުހުންދޭން ފެންނަ ކަމަށް މަޖިލީހުގެ 85 މެމްބަރުން ވޯޓު ދެއްވިއެވެ.

ޕްރޮސެކިއުޓާ ޖެނެރަލް (ޕީޖީ) ގެ މަގާމަށް, އަލްއުސްތާޛު ޢައްބާސް ޝަރީފު ޢައްޔަނުކުރުމުގެ މައްސަލަ ދިރާސާކުރެއްވި ރައްޔިތުންގެ މަޖިލީހުގެ ޖުޑީޝަރީ ކޮމިޓީންވެސް އިއްޔެ ވަނީ ފާސްކޮށްފައެވެެ.