ރާއްޖޭގެ މުއާސަލާތީ ކަންކަމާއި ބެހޭ އިދާރާ، ކޮމިއުނިކޭޝަންސް އޮތޯރިޓީ އޮފް މޯލްޑިވްސް، ހޯމް މިނިސްޓްރީގެ ދަށަށް ބަދަލުކުރައްވައިފިއެވެ.

މިސަރުކާރުން، ސަރުކާރުގެ އިދާރީ އޮނިގަނޑު އެކުލަވައިލި އިރު، އެންމެ ފުރަތަމަ ހަމަޖައްސާފައި އޮތީ އެއިދާރާ، މިނިސްޓްރީ އޮފް ސިޓީސް، ލޯކަލް ގަވަރމަންޓް އެންޑް ޕަބްލިކް ވަރކްސްގެ ދަށުން ހިނގަމުން ގެންދާ ގޮތަށެވެ. 

އެހެން ނަމަވެސް، ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީގެ 116 ވަނަ މާއްދާގެ (ހ)އިން ރައީސުލްޖުމްހޫރިއްޔާއަށް ލިބިވަޑައިގަންނަވާ އިޚްތިޔާރުގެ ދަށުން އިއްޔެ އެމަނިކުފާނު ވަނީ، މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޯލޮޖީގެ ދަށުން ހިނގަމުންދާ ތަނެއްގެ ގޮތުގައި އެއިދާރާ ހަމަޖައްސަަވާފައެވެ.

ކޮމިއުނިކޭޝަންސް އޮތޯރިޓީ އޮފް މޯލްޑިވްސްއަކީ، ރާއްޖޭގައި ދެވޭ މުވާޞަލާތީ ޚިދުމަތްތައް ރެގިއުލޭޓް ކުރުމަށް ސަރުކާރުން އުފައްދާފައިވާ އިދާރާއެވެ.