އިއްޔެ އަލިފާނުގެ ހާދިސާ ހިނގި ގާމަގު ކެފޭ ހުރި ހ.ނޫހިމެރިގެ ތަޅައިލުމުގެ މަސައްކަތް މިނިސްޓްރީ އޮފް ސިޓީސް ލޯކަލް ގަވަމެންޓް އެންޑް ޕަބްލިކް ޕަބްލިކް ވާރކްސް އިން ފަށައިފިއެވެ.

އެމިނިސްޓްރީން ވިދާޅުވީ، އެމިނިސްޓްރީގެ ޕަބްލިކް ވާރކްސް ޑިޕާޓްމެންޓްގެ މުވައްޒަފުން، އަލިފާން ރޯވިގެ ތަޅާލުމުގެ މަސައްކަތް މިއަދު ފަށާފައިވާ ކަމަށެވެ.

އިއްޔެ އަލިފާނުގެ ހާދިސާ ހިނގި ހ. ދޫހިމެރިގެއަކީ، ޑެކް އަޅައިގެން ފިލަޔާއި ލަކުޑިއާ ޓިނު ބޭނުންކޮށްގެން ތިންބުރިއަށް ހަދާފައިވާ ގެއެކެވެ. އިއްޔެ މެންދުރުފަހު 14:48 ހާއިރު އެގޭގަިއ ރޯވި އަލިފާން ނިވާލެވުނީ، އެގޭގެ ބައެއް ބައިތައް މުޅިން އަނދައިގެން ދިޔަ ފަހުންނެވެ. އަދި އަލިފާނުގެ އެ ހާދިސާގައި ޖެހިގެން ހުރި އިމާރާތަށްވެސް ގެއްލުންތައް ލިބުނެވެ. އަދި ރޭވެސް އެގޭގައި އަލިފާނުގެ ހާދިސާއެއް ވަނީ ހިނގާފައެވެ.

އަލިފާނުގެ ހާދިސާ އާއި ގުޅިގެން ހާލުގައި ޖެހުނު މީހުންނަށް އެންޑިއެމްއޭއިން މިހާރު ދަނީ އެހީތެރިކަން ފޯރުކޮށް ދެމުންނެވެ. އަލިފާނުގެ މިހާދިސާ އާއި ގުޅިގެން 57 މީހުން ހާލުގައި ޖެހުނު ކަމުގައި އެންޑީއެމްއޭއިން ހާމަކުރައްވާފައިވެއެވެ.