އިއްޔެ ހ. ދޫހިމެރި ގޭގައި ހިނގި އަލިފާނުގެ ހާދިސާ އާއި ގުޅިގެން 57 މީހަކަށް އެހީތެރިކަން ފޯރުކޮށް ދެމުން ގެންދާކަމުގައި އެންޑީއެމްއޭއިން ވިދާޅުވެއްޖެއެވެ.

އެންޑީއެމްއޭއިން ވިދާޅުވީ، އަލިފާނުގެ ހާދިސާގައި ހާލުގައި ޖެހުނު މީހުންގެ އަަދަދު 57 އަރާފައިވާ ކަމަށެވެ. އޭގެ ތެރޭގައި ހިމެނެނީ 37 ދިވެހިންނާއި 20 ބިދޭސީންނެވެ.

އެންޑީއެމްއޭއިން ވިދާޅުވީ، ފަރާތްތަކަށް ބޭނުންވާ އިންސާނީ އެހީތެރިކަން ވަނީ ފޯރުކޮށްދެވިފައިވާ ކަމަށެވެ.

ހ. ދޫހިމެރި ގޭގައި ހިންގަމުން އައި ގާމަގު ކެފޭގެ ބަދިގޭގައި އިއްޔެ އަލިފާނުގެ ހާދިސާ ހިނގީ މެންދުރު ފަހުގައެވެ. އެމްއެންޑީއެފްގެ ފަޔަރ ފައިޓަރުން ގޮސް އަލިފާން ނިވާލި ފަހުންވެސް، ރޭގައި އެގޭގައި އަލުން ރޯވެފައިވެއެވެ.