އިންޑިއާގެ ޚުޝީ ނަގަރްގައި، ޕްރައިވެޓް ހޮސްޕިޓަލެއްގައި ވިހޭ އަނބިމީހާ އާއި ދަރިފުޅުގެ ޚަރަދުތަކަށް ދައްކަން ޖެހުނު ބިލްތައް ނުދެއްކިގެން ބައްޕަޔަކު އޭނާގެ 3 އަހަރުގެ ދަރިފުޅު ވިއްކާލައިފިއެވެ.

އިންޑިއާގެ ނޫސްތަކުން ރިޕޯޓްކޮށްފައިވާ ގޮތުގައި، ހާޝް ޕަޓޭލް ނަމަކަށް ކިޔާ ފިރިހެނަކު އޭނާގެ 3 އަހަރުގެ ދަރިފުޅު ވިއްކާލީ، ހޮސްޕިޓަލުގެ ބިލްތައް ނުދައްކަނީ، އަނބިމީހާ އާއި އޭނާ ވިހޭ ދަރިފުޅު ދޫކޮށް ނުލާނެކަމަށް ހޮސްޕިޓަލުން އެންގުމާއި ގުޅިގެންނެވެ. އަދި ޕަޓޭލްގެ 3 އަހަރުގެ ފިރިހެން ދަރިފުޅު ވިއްކާލުމަށް ބާރުއަޅާފައި ވަނީވެސް ހޮސްޕިޓަލުގެ ޑަކްޓަރަކާއި ނަރުހެއް ކަމަށާއި، ކުޑަކުއްޖާ ވިއްކާލާފައި ވަނީ ބިހާރުގެ ދެމަފިިރިއަކަށް 20،000 ރުޕީސްއަށް ކަމުގައިވެސް މީޑިއާތަކުގައި ރިޕޯޓްކޮށްފައިވެއެވެ. އަދި ކުއްޖާގަންނާނެ ދެމަފިރިން ހޯދައިދީ، އެޑޮޕްޝަން ޑޮކިއުމެންޓްތައް ހަދައިދިނުމަށް ފުލުުހުންވެސް 5000ރުޕީސްގެ ރިޝްވަތެއް ނަގާފައިވާކަން ތަޙްޤީޤަށް ހާމަވެފައިވާ ކަމުގައިވެސް މީޑިއާއިން ރިޕޯޓްކޮށްފައިވެއެވެ.

ހާޝް ޕަޓޭލް، ގެ އަނބިމީހާ އާ އޭނާގެ ދަރިފުޅުގެ ހޮސްޕިޓަލް ބިލަށް، 4000 ރުޕީސް އެރި އިރު، ހާޝްޕަޓޭލް ފުލުހުންނަށް ހުށައެޅި ޝަކުވާގައި ބުނެފައި ވަނީ، 3 އަހަރުގެ ދަރިފުޅު ވިއްކާލަން މަޖުބޫރުކޮށް އެކަމުގައި ޝާމިލްވީ ހޮސްޕިޓަލުގެ މުވައްޒަފުން ކަމަށެވެ.

އެއަވަށުގެ ފުލުހުން ބުނެފައިވާ ގޮތުގައި މިހާރު ވަނީ، ވިއްކާލި ކުޑަކުއްޖާ ހޯދައި ކުއްޖާގެ އާއިލާ އާއި ހަވާލުކޮށްފައެވެ. އަދި އެކުއްޖާގަތް ދެމަފިރިންނާއި، އެކަމުގައި ޝާމިލްވި ހޮސްޕިޓަލްގެ މުވައްޒަފުންނާއި، ޤާނޫނާއި ޚިލާފު އެއަމަލު ހިންގުމުގައި އެހީތެރިވެދިން ފުލުސްމީހާވެސް ހައްޔަރުކޮށްފައެވެ.