ރޭ 4:15 ހާއިރު، ހުޅުމާލެ ފޭސް 1ގެ ޕޮލިސް ސްޓޭޝަންގެ ހުޅަނގުފަރާތު ލައިޓެއް ތަޅާލި މީހަކު ހުއްޓުވައި، ފުލުހުންގެ ބެލުމުގެ ދަށަށް ގެނައި އިރު އޭނާގެ އަތުން މަސްތުވާތަކެތި ފެނިފައިވާ ކަމުގައި ފުލުހުންގެ އިދާރާއިން ވިދާޅުވެއްޖެއެވެ.

ފުލުހުންގެ އިދާރާއިން ވިދާޅުވީ، ހުޅުމާލެ ފޭސް 1 ގެ ޕޮލިސް ސްޓޭޝަނަށް ގެއްލުން ދިނުމާއި ގުޅިގެން ހައްޔަރު ކުރި، ހ. ހެމަވަތި، ޒައިދާން މުޙައްމަދު ޒާހިރު (24އ) ބަލައި ފާސްކުރި އިރު އޭނާ ލައިގެން ހުރި ޖީންސްގެ ޖީބުން މަސްތުވާތަކެތި ކަމަށް ބެލެވޭ އެއްޗެއް އަޅާފައި ހުރި ރަބަރު ޕަކެޓެއް ފެނިފައިވާ ކަމަށެވެ. 

ފުލުހުންގެ އިދާރާއިން ވިދާޅުވީ، ޒައިދާންއަކީ، ނުރައްކާތެރިކޮށް ސައިކަލު ދުއްވައިގެން ޓޯވ ކުރި އޭނާގެ ސައިކަލާއި ހަވާލުވުމަށް ޕޮލިސް ސްޓޭޝަނަށް އައި މީހެއް ކަމަށެވެ. 

ޒައިދާން ތަޅާލާފައި ވަނީ، ހުޅުމާލެ ފޭސް 1ގެ ޕޮލިސް ސްޓޭޝަންގެ ހުޅަނގުފަރާތު މައި ދޮރުގެ އުުތުރު ފަރާތު ލައިޓެވެ.

ފުލުުހުން ވިދާޅުވީ އޭނާ ޕޮލިސް ސްޓޭޝަނަށް ގެއްލުންދިން މައްސަލަ އާއި މަސްތުވާތަކެތި ގެންގުޅުނު މައްސަލަ ތަހްޤީޤު ކުރަމުންދާ ކަމަށެވެ.