ރާއްޖޭގެ ޔޫޒަބަލް ރިޒާވްގައި ހުސްވި އޮގަސްޓް މަސް ނިމުނު އިރު ހުރީ، 61 މިލިއަން ޑޮލަރު ކަމުގައި މަރުކަޒީ ބޭންކް އެމްއެމްއޭގެ ތަފާސް ހިސާބުން ހާމަވެއްޖެއެވެ.

އެމްއެމްއޭއިން މިއަދު އާއްމު ކުރި، ތަފާސްހިސާބުތަކުން އެނގޭ ގޮތުގައި، ރިޒާވްގައި، 395 މިލިއަންޑޮލަރު ހުރި އިރު، ބޭނުން ކުރެވޭ ރިޒާވް ވަނީ 61 މިލިޔަނަށް އަރާފައެވެ. އެއީ މިދިޔަ މަހާއި އަޅާ ބަލާއިރު 15 މިލިއަން ޑޮލަރުގެ އިތުރުވުމެކެވެ. ޖުލައި މަސް ނިމުނު އިރު، ރާއްޖޭގައި ބޭނުންކުރެވޭ ރިޒާވް 45 މިލިއަން ޑޮލަރަށް ވެއްޓުނެވެ. އަދި އޮގަސްޓް މަހުގެ ތެރޭގައި ޑޮލަރުގެ ރިޒާވް މުޅިން ހުސްވި ކަމުގައިވެސް ޚަބަރުތައް ފެތުރުނެވެ. އަދި ނިމުނު އޮގަސްޓް މަހަކީ، ރާއްޖޭގެ މާލީ ހިސާބުތައް ބަލަހައްޓަންފެށި ފަހުން، މިފަހުގެ ތާރީޚުގައި ދައުލަތުގެ ރިޒާވް އެންމެ ބޮޑަށް ދަށަށް ދިޔަ މަހެވެ.

ދައުލަތުގެ ރިޒާވް އިތުރުވީ، ދައުލަތަށް ޑޮލަރުން ލިބުނު އާމްދަނީ އިތުރުވުމުން ކަމުގައި ފިނޭންސް މިނިސްޓަރު ވަނީ ކުރިން ވިދާޅުވެފައެވެ. އަދި ރާއްޖެއަށް ސަރުކާރުން، ޑޮލަރުގެ ނަގުދު ފައިސާވެސް މިދިޔަމަހު ވަނީ ގެނެސްފައި ކަމުގައި މައުލޫމާތު ލިބިފައިވެއެވެ.