އަތޮޅު ފެންވަރުގައި ޤައުމީ ދުވަސް ފާހަގަ ކުރުމަށް މިލަދުންމަޑުލު އުތުރުބުރީ މާއުނގޫދޫގައި ބޭއްވި ޘަޤާފީ ހަވީރު ޝަރަފްވެރިކޮށްދެއްވައި، ރައީސުލްޖުމްހޫރިއްޔާގެ ނައިބު ޙުސައިން މުޙައްމަދު ލަޠީފް އެ ޘަޤާފީ ހަވީރުގެ ހަރަކާތްތައް ބައްލަވައިލައްވައިފިއެވެ.

މިއަހަރުގެ ޤައުމީ ދުވަސް، ޤައުމީ ފެންވަރުގައި ފާހަގަކުރުމުގެ ހަރަކާތްތައް ކުރިޔަށް ގެންގޮސްފައިވަނީ، މިލަދުންމަޑުލު އުތުރުބުރީ މާއުނގޫދޫގައެވެ.

އިއްޔެ ހަވީރު އެރަށުގައި ކުރިޔަށް ގެންދިޔަ ޘަޤާފީ ހަވީރަކީ، އަތޮޅު ކައުންސިލާއި މާއުނގޫދޫ ކައުންސިލު ގުޅިގެން ކުރިޔަށް ގެންދިޔަ ހަވީރެކެވެ. 

މީގެ އިތުރުން އަތޮޅު ފެންވަރުގައި ޤައުމީ ދުވަސް ފާހަގަ ކުރުމަށް ށ. މާއުނގޫދޫއަށް ވަޑައިގެންނެވި މެހުމާނުންގެ ޝަރަފުގައި ރޭ ބޭއްވި ޖާފަތުގައިވެސް ރައީސުލްޖުމްހޫރިއްޔާގެ ނައިބު ބައިވެރިވެވަޑައިގެންނެވިއެވެ.