މިދިޔަ ބުދަ ދުވަހުގެ ރޭ މާލޭ ދަރުބާރުގޭ ކައިރީގައި ހިނގި އެކްސިޑެންޓްގައި އަނިޔާވި ޒުވާނާއަށް އައިޖީއެމްއެޗްގެ އައިސީޔޫގައި ފަރުވާދެމުން ދަނިކޮށް ރޭ ނިޔާވެއްޖެއެވެ.

ބޮޑުތަކުރުފާނު މަގާއި ކޮއިމަލާ ހިނގުން ގުޅޭ ކަންމަތީގައި އެ އެކްސިޑެންޓް ހިނގީ އެޒުވާނާ ދުއްވި ސައިކަލާއި ކާރެއް ޖެހިގެންނެވެ. އެކްސިޑެންޓުގައި ނިޔާވެފައި ވަނީ، ގދ. ގައްދޫ ޖުޕިޓަރ، މުޙައްމަދު ލީވާން ޢަބްދުއްލަޠީފް (21އ)އެވެ. 

ލީވާން ނިޔާވީ އެކްސިޑެންޓްގައި އޭނާގެ ބޮލަށް ލިބުނު ސީރިއަސް އަނިޔާތަކަށް އައިޖީއެމްއެޗްގެ އައިސީޔޫގައި ވެންޓިލޭޓަރުގައި ބާއްވައިގެން ފަރުވާދެމުން ދަނިކޮށެވެ. ލީވާންގެ ޖަނާޒާ ބާއްވާފައި ވަނީ މިއަދުގެ މެންދުރު ނަމާދަށް ފަހުގައި، ހުޅުމާލެ ސަހަރާގައެވެ.

ރޭ ލީވާން މަރުވި އިރު، ހުކުރު ދުވަހުގެ ރޭ ހުޅުމާލޭގައި ހިނގި އެކްސިޑެންޓްގައި އުމުރުން 23 އަހަރުގެ ޒުވާނަކު ވަނީ މަރުވެފައެވެ.