ޓްރެފިކް މައްސަލަތަކާއި ގުޅިގެން ޓޯވްކޮށްފައިވާ ގިނަ އަދަދެެއްގެ އުޅަނދު ނައްތާލައިފިއެވެ.

ފުލުހުންގެ އިދާރާއިން މިކަން ހާމަކުރީ، ފުލުހުންގެ ޓޯޔާޑުގެ ތެރޭގައި، ޕިކަޕަކުން ސައިކަލުތަކެއް ބިންމައްޗަށް ވައްޓާލާ މަންޒަރު ފެންނަ ވީޑިއޯތަކެއް ސޯޝަލްމީޑިއާގައި ދައުރުވެ އާއްމުންގެ ފާޑުކިޔުންތައް ފުލުހުންނަށް އަމާޒުވުމާއި ގުޅިގެންނެވެ.

ފުލުުހުންގެ އިދާރާއިން އެކަމާއި ގުޅިގެން ނެރުނު ބަޔާނުގައި ބުނެފައި ވަނީ، އެވީޑިއޯގައި ފެންނަނީ، މާލޭ މޭރީ ބްރައުން ކައިރީގައި އޮންނަ ހުންނަ ފުލުހުންގެ ޓޯޔާޑުގެ ތެރޭގައި އުޅަނދުތަކެއް ނައްތާލާ މަންޒަރުކަމަށެވެ. ފުލުހުންގެ އިދާރާއިން ވިދާޅުވީ، ދައުރުވަމުންދާ ވީޑިއޯއަކީ، ސެޕްޓެމްބަރު މަހުގެ 6 ވަނަ ދުވަހުގެ ވީޑިއޯއެއް ކަމަށެވެ.

ފުލުުހުންގެ އިދާރާއިންނާއި ހޯމް މިނިސްޓަރުވެސް ވިދާޅުވީ، ފުލުހުން ޓޯވ ކުރާ އުޅަނދުތައް ނައްތާލަމުން ގެންދަނީ އެކަަމަށް ކަނޑައަޅާގައި އޮންނަ އުސޫލުގެ ދަށުން ކަމަށެވެ. ފުލުހުންގެ އިދާރާއިން ވިދާޅުވީ މިހާތަނަށް 499 އުޅަނދު ނައްތާލާފައިވާ ކަމަށާއި އޭގެ ތެރޭގައި ހިމެނެނީ، 2 ފުރޮޅުލީ، 247 އުޅަނދާއި، 4 ފުރޮޅުލީ 29 އުޅަނދާއި، އެމްބިއުލާންސްއެއްގެ އިތުރުން، 223 ބައިސިކަލް ކަަމަށެވެ.

މިގެ ކުރިން ފުލުހުން ޓޯވކޮށް ނައްތާލާ އުޅަނދުތަކުގެ މައުލޫމާތު އެ އުޅަނދުތައް ނައްތާލުމުގެ ކުރިން ގެޒެޓްކޮށް އާއްމުކޮށް އިއުލާނު ކުރިނަމަވެސް މިފަހުން ފުލުހުން އެގޮތަށް އަމަލު ނުކުރާތީ، އެކަމުގެ ކަންބޮޑުވުންތައް އާއްމުން ވަނީ ފާޅުކޮށްފައެވެ.