ހުސްވި މާރިޗުމަހުވެސް އަލަށް ދައުލަތުގެ ބެލުމުގެ ދަށަށް ތިން ކުޑަކުއްޖަކު ދައުލަތގެ ބެލުމުގެ ދަށަށް ނަގާފައިވާ ކަމުގައި މިނިސްޓްރީ އޮފް ޖެންޑާ ފެމިލީ އެންޑް ސޯޝަލް ސަރވިސަސްއިން ހާމަކުރައްވައިފިއެވެ.

އެމިނިސްޓްރީ ހާމަކޮށްފައިވާ ތަފާސް ހިސާބުގައި ވާގޮތުން، ހުސްވި މާރިޗު މަހު ދައުލަތުގެ ބެލުމުގެ ދަށަށް ނަގާފައި ވަނީ، 2 ފިރިހެން ކުދިންނާއި އަންހެން ކުއްޖެކެވެ. އަދި ހުސްވި މަހު، 2 ކުޑަކުދިންގެ ޤާނޫނީ ބަލަދުވެރިކަން އެހެން ފަރާތްތަކާއި ހަވާލުކޮށް ކުދިން އެއާއިލާތަކާއި ހަވާލުކޮށްފައި ވެއެވެ. އޭގެ އިތުރުން އިތުރު ކުއްޖަކު އަލުން އާއިލާގެ މީހުންނާއި އެކު ދިރިއުޅުމަށް ފޮނުވިފައިވެއެވެ.

ޖެންޑަރ މިނިސްޓްރީގެ ތަފާސް ހިސާބުތަކުން ދައްކާގޮތުގައި، މާރިޗުމަސް ނިމުނު އިރު ދައުލަތުގެ ބެލުމުގެ ދަށުގައި، 186 ކުދިން އެބަތިއްބެވެ. އޭގެ ތެރޭގައި ހިމެނެނީ، 107 ފިރިހެން ކުދިންނާއި 106 އަންހެން ކުދިންނެވެ.

ދައުލަތުން ބަލަހައްޓާ ކުދިން ބައިތިއްބަނީ ހުޅުމާލެ ފިޔަވަތީ ގަޔާއި، ވިލިމާލޭގައި ހުންނަ ކުޑަ ކުދިންގެ ހިޔާގެ އިތުރުން އަތޮޅުތަކުގައި ޤާއިމްކޮށްފައިވާ އަމާން ހިޔާތަކުގައެވެ.