ހުޅުމާލެ ސެންޓްރަލް ޕާކުގެ ދެކުނުން، އުރީދޫ ހެޑް އޮފިސް ކައިރީގައި ހިނގި އެކްސިޑެންޓެއްގައި، މޯލްޑިވްސް ކަރެކްޝަނަލް ސަރވިސްގެ ޒުވާން އޮފިސަރަކު މަރުވެއްޖެއެވެ.

މިއެކްސިޑެންޓްގައި މަރުވެފައި ވަނީ، ޙަސަން ސަމާހް (23އ)އެވެ. އޭނާ ނިޔާވީ އޭނާ އާއި އިތުރު މީހަކު ސައިކަލުގައި ސެންޓްރަލް ޕާކު މަގުން ދަނިކޮށް ބާރު ސްޕީޑުގައި ދުއްވާފައި އައި ސްޕޯޓްސް ކާރެއް ސައިކަލުގެ ފަހަތުން އައިސް ޖެއްސުމުގެ ސަބަބުންނެވެ.

ރޭ ދަންވަރު 2:48 ހާއިރުގައި ހިނގި މިއެކްސިޑެންޓްގައި އަނިޔާވި ޒުވާާނާ ނިޔާވީ، ހުޅުމާލެ ހޮސްޕިޓަލުގައި އޭނާއަށް ފަރުވާ ދެމުން ދަނިކޮށެވެ.

ފުލުހުންގެ އިދާރާއިން ހާމަކުރައްވާފައިވާ ގޮތުގައި ކާރު ދުއްވަން އިން ޒުވާނާއަތުގައި ލައިސަންސެއް ނެތެވެ. އެކާރު ދުއްވާފައި ވަނީ އުމުރުން 26 އަހަރުގެ ދިވެހި ފިރިހެނެކެވެ.

މިއެކްސިޑެންޓްގެ މައްސަލަ ފުލުހުން ދަނީ ތަޙްޤީޤު ކުރަމުންނެވެ.