Advertisement
ގެއެއްގެ ފާޚާނާ ފެންލައިޓުން ވަދެއް ވައްކަން ކުރި މީހުން---
ފާޚާނާ ފެންލައިޓުން ގެއަކަށް ވަދެ ވަޅިން ބިރު ދައްކައިގެން ފޭރުނު ދެމީހުން ހައްޔަރުކޮށްފި
މާލޭގެ ގެއެއްގެ ފެންލައިޓުން ވަދެ އެގޭގެ ކޮޓަރިއެއްގައި ތިބި ދެމީހުންގެ ކަރުގައި ވަޅި ޖައްސައި ފޭރުނު ދެމީހަކު ހައްޔަރުކޮށްފިއެވެ.
ފުލުހުންގެ އިިދާރާއިން ހާމަކޮށްފައިވާ ގޮތުގައި އިއްޔެ ހަވީރު ހނގި މިފޭރުމާއި ގުޅިގެން ހައްޔަރުކޮށްފައި ވަނީ، މ. ދާރުލްޤަރާރު، އިސްމާޢީލް ވިޝާލް (30އ) އާއި ބ. ދަރަވަންދޫ ވިދުވަރު، ޙުސައިން ޝާއިފް (32އ)އެވެ.
ފުލުުހުންގެ އިދާރާއިން ވިދާޅުވީ، ފާޚާނާގެ ފެންލައިޓުން ގެއަކަށް ވަނުމަށްފަހުގައި، އެކޮޓަރިތެރޭގައި ތިބި މީހުން ރަހީނުކޮށް އެމީހުންގެ އަތުން އިލެކްޓްރޯނިކް ސާމާނު ތަކެއް ފޭރިގަނެފައިވާ ކަމަށެވެ. އެގޮތުން އެމީހުންގެ އަތުން ލެޕްޓޮޕާއި މޯބައިލްފޯނު ފޭރިގެން ގެންގޮސްފައިވާ ކަމަށާއި، ރޭ އެދެމީހުން ހޯދައި ހައްޔަރުކުރި އިރު، އެމީހުން ފޭރުނު ތަކެއްޗާއި، އެމީހުން ވަގަށް ނަގާފައިވާ ކަމަށް ބެލެވޭ އެހެނިގެން ތަކެތިވެސް ފެނިފައިވާ ކަމުގައި ފުލުހުންގެ އިދާރާއިން ވަނީ ވިދާޅުވެފައެވެ.
