ފުލުހުންގެ އަތު ނުޖެހޭންވެގެން ޒުވާން ފިރިހެނަކު މާލޭގައި އަންހެނަކު ރަހީނުކޮށްގެން ހިފަހައްޓައިފިއެވެ.

މައުލޫމާތު ލިބިފައިވާ ގޮތުގައި މިކަން ހިނގާފައި ވަނީ، މާފަންނުކޮޅުގެ ގެއެއްގެ ތެރޭގައެވެ.

ފުލުހުންގެ އިދާރާއިން މީޑިއާތަކަށް ފޮނުވި މެސެޖުގައި ވިދާޅުވީ، މާފަންނު ގެއެއްގެ ތެރޭގައި އަންހެނަކު ބަންދުކޮށްގެން ގެންގުޅޭ ކަމުގެ މައުލޫމާތު ފުލުުހުންނަށް ލިބުމާއި ގުޅިގެން ފުލުހުން ހަރަކާތްތެރިވަމުންދާ ކަމަށެވެ. 

އެންމެ ފަހުން މައުލޫމާތު ލިބުނު ގޮތުގައި، އަންހެން މީހާ ސަލާމަތްކޮށް، އެ ފިރިހެންމީހާ މިހާރު ވަނީ ފުލުހުންގެ ބެލުމުގެ ދަށަށް ގެންގޮސްފައެވެ.