ބައިނަލްއަގުވާމީ ރޭޓިން އެޖެންސީ، ފިޗް ރޭޓިންސްއިން ރާއްޖޭގެ ކްރެޑިޓު ރޭޓިން އަނެއްކާވެސް ދަށްކޮށްފިއެވެ. 

ފިޗުން މިހާރު ވަނީ، ރާއްޖޭގެ ރޭޓިން ސީސީއަށް ދަށްކޮށްފިއެވެ. ފިޗުން ރާއްޖޭގެ ރޭޓިންގ ސީސީއަށް ދަށްކުރުމަކީ، ރާއްޖޭގެ އިޤުތިޞާދީ ޙާލަތު އިންތިހާ ދަރަޖައަށް ކަންބޮޑުވާ ހިސާބަށް ގޮސްފައިވާ ކަމެއް ކަމުގައި، އިޤުތިޞާދީ ދާއިރާގެ ބޭފުޅުން ވަނީ ވިދާޅުވާން ފަށާފައެވެ.

ފިޗުން ރާއްޖޭގެ ރޭޓިން ދަށްކުރި ސަބަބުތަކުގެ ތެރޭގައި، ރާއްޖޭގެ ޔޫޒަބަލް ރިޒާވް ވަރަށް ބޮޑަށް ދަށަށް ދިޔުމާއި، ޑޮލަރުގެ ތާށިކަން އިންތިހާއަށް ބޮޑުވެ، ބޭންކްތަކުން ފިޔަވަޅުތައް އަޅަން ޖެހުން ފާހަގަކޮށްފައިވެއެވެ.

ފިޗުގެ ރިޕޯޓާއި ގުޅިގެން އެމްއެމްއޭއިން ނެރުނު ބަޔާނުގައިވެސް، ޖުލައި މަސް ނިމުނު އިރު ރާއްޖޭގެ ރިޒާވްގައި ހުރީ އެންމެ 45 މިލިއަން ޑޮލަރު ކަމުގައި ވަނީ ބުނެފައެވެ. 

ފިޗުން ވަނީ، ރާއްޖެއަށް ބޭރިގެ ދަރަނި ނުދެއްކިދާނެ ކަމަށްވެސް ލަފާކޮށްފައެވެ.