މާލެ ސަރަހައްދުގައި ދުވާލެއްގެ މައްޗަށް އުފެދޭ 800 ޓަނުގެ ކުނީގެ %12އަކީ ޕްލާސްޓިކް ކުނިކަމުގައި މިނިސްޓަރ އޮފް އެންވަޔަރަންމަންޓް ކްލައިމެޓްޗޭންޖް އެންޑް ޓެކްނޯލޮޖީ އާމިނަތު ޝައުނާ ވިދާޅުވެއްޖެއެވެ.

އެކަމާ މިހެން ވިދާޅުވީ  މިއަދު ބޭއްވި ރައްޔިތުންގެ މަޖިލީހުގެ މިދައުރުގެ 35 ވަނަ ޖަލްސާގައި ވަޒީރުންނައި ސުވާލުރުމުގެ ވަގުތުގައި  ރައްޔިތުންގެ މަޖިލީހުގެ ނޕޮޅިވަރަމް ދާއިރާގެ މެމްބަރު މުޙައްމަދު ނަޝީދު ކުރެއްވި ސުވާލަކަށް ޖަވާބު ދެއްވަމުންނެވެ.

މިނިސްޓަރ ޝައުނާ ވިދާޅުވީ، ސަރުކާރުން އަމާޒު ހިފާފައިވަނީ ރާއްޖޭގައި އުކާލެވޭ ސިންގަލް ޔޫސް ޕްލާސްޓީކް ކުނީގެ 13 ބާވަތެއް މުޅިން ނައްތާލުމަށް ކަމަށެވެ. މިގިތުން މިހާރު ކުރިޔަށޤދަނީ، ރާއްޖޭގައި ސިންގަލް ޔޫސްޕްލާސްޓިކް އުފެއްދުމާއި ބޭނުން ކުރުމާއި އެތެރެކުރުން މަނާކުރުމުގެ ފުރަތަމަ މަރުޙަލާކަމުގައި މިނިސްޓަރ ޝައުނާ ވިދާޅުވިއެވެ.

އަދި ސިންގަލް ޔޫސް ޕްލާސްޓިކް ބޭޭނުން ކުރުން މުޅިން ހުއްޓާލުމަށް ނިންމާފައި ވަނީ އެކި މަރުޙަލާތަކަކަށް ބަހާލައިގެން ކަމުގައިވެސް މިނިސްޓަރ ވިދާޅުވިއެވެ.  މިގޮތުން 13 ބާވަތެއް ކަނޑައަޅައި އޭގެ ތެރެއިން 12 ބާވަތަކާއި ގުޅޭ މަސައްކަތްތައް މިހާރު ވަނީ އެއްކޮށް ނިންމާލެވިފައި ކަމުގައިވެސް މިނިސްޓަރ ޝައުނާ ވިދާޅުވިއެވެ. 

އަދި ޕްލާސްޓިކް ކޮތަޅު ބޭނުން ކުރުން ހުއްޓާލުމަކީ ނުވަތަ ހުއްޓުވުމަކީ މިމަސައްކަތުގައި އޮތް އެންމެ ގޮންޖެހުން ބޮޑު ކަންތައް ކަމުގައި މިނިސްޓަރ ޝައުނާ ފާހަގަކުރެއްވިއެވެ.