Advertisement

26 Aug 2024
ދުނިޔެ
މިފްތާޙް މުޙައްމަދު

އަލްގައިދާއާ ގުޅުންހުރި ގްރޫޕަކުން ބުރުކިނާ ފަސޯގެ 200 މީހުން މަރާލުމުގެ ޒިންމާ ނަގައިފި

އަލްގައިދާއާ ގުޅުންހުރި ޖަމާއަތެއް ކަމުގައިވާ، ޖަމާއަތު ނުސްރަތު އަލް-އިސްލާމް ވަލް-މުސްލިމީން (ޖޭނިމް) އިން ބުރުކިނާ ފަސޯގެ 200 މީހުން މަރާލައި، 140 އެއްހާ މީހުންނަށް އަނިޔާދިންކަމުގެ ޒިންމާ ނަގައިފިއެވެ.

ބުރކިނާ ފަސޯއަށް މި ހަމަލާ ދީފައިވަނީ ހޮނިހިރު ދުވަހުއެވެ. މި ހަމަލާ އަކީ އެ ގައުމުގެ ސްޓްރެޓެޖިކް ޓައުން ކަމުގައިވާ ކަޔާގެ އުތުރުން ގާތްގަނޑަކަށް 40 ކިލޯމީޓަރު ދުރުގައި އޮންނަ ބާސަލޯގޯ ސަރަހައްދުގައި ދީފައިވާ ހަމަލާއެއް ކަމަށް މައްސަލަ ދިރާސާކުރަ ފަރާތްތަކުން ވަނީ ބުނެފައެވެ.

ޖޭނިމްގެ ހަނގުރާމަވެރިން ބަޑިޖަހާފައިވަނީ ސަލާމަތީ އައުޓްޕޯސްޓްތައް ހިމާޔަތް ކުރުމަށް ފަރުމާކޮށްފައިވާ ހަންދަގުތައް ކޮންނަން ތިބި މީހުންގެ ޓީމުތަކަށް އަމާޒުކޮށެވެ. ހަމަލާއަށް ފަހު ސިފައިންގެ ބައެއް މީހުން ގެއްލިފައިވާއިރު، ހަމަލާދިން މީހުން ވަނީ ހަތިޔާރާއި އަސްކަރީ އެމްބިއުލާންސެއް ފޭރިގަނެފައެވެ.

ސެނެގާލްގައި ހުރި އަލްޖަޒީރާގެ ނޫސްވެރިއަކު ރިޕޯޓުކޮށްފައިވާ ގޮތުން، ހަމަލާއަށްފަހު ހަންދަގުތައް ބަދަލުވެފައިވަނީ ބޮޑު ކަށްވަޅަކަށެވެ. އެ ހަންދަގުތަކުގެ ތެރޭގައި އަންހެނުންނާއި ކުޑަކުދިން ވެސް މަރުވެފައި ތިބިކަމަށް އޭނާ ރިޕޯޓުކޮށްފައިވެއެވެ. މީގެ އިތުރުން، އަނިޔާވެފައިތިބި މީހުންނަށް އަވަސް ފަރުވާ ދިނުމަށް، ކާޔާގެ ޑޮކްޓަރުންނާއި ނަރުހުން އައުމަށް ވަނީ އެދިފައެވެ.

އަލްޖަޒީރާގެ ނޫސްވެރިޔާ އިތުރަށް ފާހަގަކޮށްފައިވާ ގޮތުގައި، ހޮނިހިރު ދުވަހުގެ ހަމަލާގެ ހަބަރު ބުރުކިނާ ފަސޯގެ ސިފައިންނަށް ވަނީ ހުކުރު ދުވަހު ލިބިފައެވެ. އެހެންކަމުން ސިފައިން ހުރިހާ ރައްޔިތުންނަށް ލަފާދީފައިވަނީ ހަންދަގުތައް ކޮނެގެން ފިލައި ތިބުމަށެވެ.

ހަނގުރާމަވެރި ޖަމާއަތްތަކުގެ އަމަލުތަކުގެ ސަބަބުން ބުރުކިނާ ފަސޯގެ ގާތްގަނޑަކަށް ދެބައިކުޅަ އެއްބައިގެ ކޮންޓްރޯލް ވަނީ އެގައުމުގެ ސިފައިންގެ އަތުން ގެއްލިފައެވެ.

ބްރުކިނާ ފަސޯއަކީ ސިޔާސީ ހަމަނުޖެހުމާއި ދާހިލީ ހަމަނުޖެހުން ބޮޑު ގައުމެކެވެ. 2022 ވަނަ އަހަރު ބަޣާވާތަކުން ވެރިކަމަށް އައި އެގައުމުގެ އަސްކަރީ ލީޑަރުންނަށް ވެސް ހަތިޔާރު އެޅި ޖަމާއަތްތަކާ ދެކޮޅަށް ކުރި މަސައްކަތުގައި ކުރިމަތިވި ނާކާމިޔާބަށް ހިތްހަމަ ނުޖެހުމުގެ ސަބަބުން އެމީހުނަށް ވެސް އެތައް ބަޣާވާތަކާ ކުރިމަތިލާން ޖެހުނެވެ.

ފާއިތުވި 10 ވަރަކަށް އަހަރުތަކުގެ ތެރޭގައި ހަތިޔާރު އެޅި ޖަމާއަތްތަކުން ވަނީ އެތައް ހާސް ބަޔަކު މަރާލާފައެވެ. އަދި ހަމަނުޖެހުންތަކާ ގުޅިގެން މި މުއްދަތުގައި 2 މިލިއަނެއްހާ މީހުންގެ ގެދޮރު ގެއްލުމުގެ ސަބަބުން މަގުމަތިވެފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.