ހަފްތާ ބަންދާއި އެކު 4 ދުވަހުގެ ޗުއްޓީއެއް ލިބޭ ގޮތަށް ސެޕްޓެމްބަރު 5 ވަނަ ދުވަހަކީ ރަސްމީ ބަންދު ދުވަހެއް ކަމުގައި ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު ހަމަ ޖައްސަވައިފިއެވެ.

ރައީސުލްޖުމްހޫރިއްޔާ މިގޮތަށް ހަމަޖެއްސެވީ، މި އަހަރުގެ ޤައުމީ ދުވަހުގެ މުނާސަބަތާ ގުޅިގެން ގުޅިގެންނެވެ. މިއަހަރުގެ ޤައުމީ ދުވަސް، ރަބީޢުލްއައްވަލް މަހުގެ 1 ވަނަ ދުވަސް ދިމާވަނީ، ރާއްޖޭގައި ޢަމަލުކުރާ މީލާދީ ކަލަންޑަރުން ސެޕްޓެމްބަރު މަހުގެ 4ވާ ބުދަ ދުވަހަށެވެ. އެހެންވެ ސެޕްޓެމްބަރު 5 ވަނަ ދުވަހަކީ، ރަސްމީ ބަންދު ދުވަހެއްގެ ގޮތުގައި ހަމަޖެއްސެވުމުން، ބުދަ ދުވަހުން ފެށިގެން ހޮނިހިރު ދުވަހަށް، ސަރުކާރު މުވައްޒަފުންނަށް ހަތަރު ދުވަހުގެ ޗުއްޓީއެއް ލިބިގެން ދާނެއެވެ.

ޤައުމީ ދުވަހުގެ ބަންދަށް ފަހު ސަރުކާރުގެ އޮފީސްތައް ހުޅުވޭނީ، ސެޕްޓެމްބަރު މަހުގެ 8 ވާ ހޯމަ ދުވަހުގައެވެ.