ދުނިޔޭގައި ހުރި އެންމެ ދުވަސްވީ މީހާގެ ގޮތުގައި ޖިނަސް ވޯލްޑް ރެކޯޑްސް އިން މިދިޔަ އަހަރުގެ ޖެނުއަރީގައި ކަނޑައެޅި، މަރިޔާ ބްރަންޔާސް އުމުރުން 117 އަހަރުގައި މަރުވެއްޖެއެވެ. އޭނާ މަރުވެފައި ވަނީ މިދިޔަ އަންގާރަ ދުވަހުއެވެ.

މަރުވި އިރު ބްރަންޔާސް ދިރިއުޅެމުން ދިޔައީ ސްޕެއިންގެ ނާރސިން ހޯމްއެއްގައެވެ. އެ ނާރސީން ހޯމްގެ ފަރާތުން ވާހަކަ ދެއްކި މީހަކު ބުނީ، ބްރަންޔާސް މަރުވެފައިވަނީ ނިދާފައި އޮއްވާ ކަމަށެވެ.

ބްރަންޔާސް އުފަންވެފައިވަނީ 1907 ވަނަ އަހަރުގެ މާރޗު 4 ވަނަ ދުވަހު ކެލިފޯނިއާފެ ފްރާންސިސްކޯއަށެވެ. އަދި އުމުރުން 7 އަހަރުގައި އާއިލާއާ އެކު ސްޕެއިންގެ ކެޓަލޯނިއާއަށް ބަދަލުވި ގޮތަށް، މުޅި ހަޔާތް އެއްކޮށް ހޭދަކުރީ އެ ގައުމުގައެވެ.

ބްރަންޔާސް ވަނީ ދުނިޔޭގައި ހިނގާދިޔަ ބޮޑެތި ހާދިސާތަކާއި ކާރިސާތަކުގައި ދުވަސްތައް ހޭދަކޮށްފައެވެ. އެގޮތުން 1918 ގެ ސްޕެނިޝް ފްލޫ އާއި ސްޕެއިންގައި 1936-1939 އަށް ހިނގާދިޔަ ދާހިލީ ހަނގުރާމަ އާއި ވަރލްޑް ވޯރ 1 އަދި 2 އާއި ކޮވިޑް-19 ޕެންޑަމިކް ހިމެނެއެވެ.