Advertisement

17 Aug 2024
ދުނިޔެ
މިފްތާޙް މުޙައްމަދު

އިޒްރޭލުން ލުބުނާނަށް ދިން ހަމަލާއެއްގައި 9 މީހުން މަރުވެއްޖެ

ހުކުރު ދުވަހުގެރޭ އިޒްރޭލުން ލުބުނާނުގެ ދެކުނުގެ އަވަށަކަށް ދިން ރޮކެޓު ހަމަލާއެއްގައި 9 މީހުން މަރުވެއްޖެކަމަށް، ލުބުނާނުގެ މިނިސްޓްރީ އޮފް ހެލްތުން ހާމަކޮށްފިއެވެ.

ލުބުނާނުގެ ދެކުނުގައި އޮންނަ ނަބަޓިއޭ ކިޔާ ހިސާބަށް ދިން ހަމަލާގައި މަރުވި މީހުންގެ ތެރޭގައި އަންހެނަކާއި އޭނާގެ ކުޑަ ދެ ދަރިން ވެސް ހިމެނެއެވެ. މި ހަމަލާގައި 5 މީހަކު ޒަހަމްވެފައިވާއިރު، އޭގެ ތެރެއިން ދެމީހަކަށް ބޮޑެތި އަނިޔާތައް ލިބިފައިވާކަމަށް މިނިސްޓްރީ އޮފް ހެލްތުން ހާމަކޮށްފައިވެއެވެ.

މި ހަމަލާއަށްފަހު އިޒްރޭލުން ބުނީ، އެމީހުން ހަމަލާދިނީ ލުބުނާނުގައި ހުންނަ ހިޒްބުﷲގެ ހަތިޔާރު ގުދަނަކަށް ކަމަށެވެ. މިއީ އިޒްރޭލާ 12 ކިލޯ މީޓަރު ދުރުމިނެއްގައި އޮންނަ ތަނެއްކަމަށް ވެސް އެމީހުން ބުނެފައިވެއެވެ.  ނަމަވެސް، ހަތިޔާރު ގުދަނަކަށް ދިން ހަމަލާއެއްގައި އަންހެނުންނާއި ކުޑަކުދިން މަރުވުމަކީ، އިޒްރޭލުން ލުބުނާނަށް ހަމަލާ ދިނުމަށް ދައްކަމުންދާ ބަހަނާއެއްކަން މިވަނީ ހާމަވެފައެވެ.

އެކުވެރި ހަމާސްއަށް ވާގިވެރިވުމުގެ ގޮތުންނާއި، ފަލަސްތީނަށް ދެމުން ގެންދާ ހަމަލާތަކުގެ ދިފާއުގައި ހިޒްބުﷲ އިން ދަނީ ކޮންމެ ދުވަހަކު ހެން އިޒްރޭލަށް ހަމަލާތައް ދެމުންނެވެ. އާރމްޑް ކޮންފްލިކްޓް ލޮކޭޝަން އަދި އިވެންޓް ޑޭޓާ ޕްރޮޖެކްޓުގެ ތަފާސް ހިސާބުތައް ދައްކާ ގޮތުން، އިޒްރޭލާއި ހިޒްބުﷲއާ ދެމެދު ބަދަލުކޮށްފައިވާ ހަމަލާތަކުގައި، 31 ޖުލައި އާ ހިސާބަށް ލުބުނާނުގެ 601 މީހަކު ވަނީ މަރާލާފައެވެ. އަދި މި ހަމަލާތަކުގެ %82 އަކީ އިޒްރޭލުން ދިން ހަމަލާތަކެވެ. މި ހަމަލާތަކުގައި މަރުވެފައިވަނީ އިޒްރޭލުގެ 23 މީހުންނެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.