Advertisement

15 Aug 2024
ދުނިޔެ
މިފްތާޙް މުޙައްމަދު

ލަންކާގެ ރިޔާސީ އިންތިހާބުގައި ވާދަކުރުމަށް 39 ކެނޑިޑޭޓުން ހުށަހަޅައިފި

ސެޕްޓެމްބަރު 21 ވަނަ ދުވަހު ސްރީލަންކާގައި ބޭއްވުމަށް ހަމަޖެހިފައިވާ އެ ގައުމުގެ ރިޔާސީ އިންތިހާބުގައި ވާދަކުރުމަށް، 39 ކެނޑިޑޭޓަކު ކެންޑިޑެންސީ ފޯމު ހުށަހަޅާފައިވާކަމަށް އިލެކްޓޯރަލް ކޮމިޝަނުން ހާމަކޮށްފިއެވެ. އިންތިހާބަށް ކުރިމަތިލި ކެނޑިޑޭޓުންގެ ތެރޭގައި މިހާރުގެ ރައީސް، ރަނިލް ވިކްރަމަސިންގެ ވެސް ހިމެނެއެވެ.

2019 ވަނަ އަހަރު ސްރީލަންކާގައި އޮތް ރިޔާސީ އިންތިހާބުގައި 35 ކެނޑިޑޭޓަކު ވަނީ ވާދަކޮށްފައެވެ. އަދި މިފަހަރުގެ އިންތިހާބަކީ އެންމެ ގިނަ އަދަދެއްގެ ކެނޑިޑޭޓުން ވާދަކުރާ ރިޔާސީ އިންތިހާބަށް ވެގެންދާނެއެވެ.

ރިޔާސީ އިންތިހާބުގައި ވާދަކުރުމަށް ފޯމު ހުށަހެޅުމަށްފަހު މިހާރުގެ ރައީސް، ރަނިލް ވިދާޅުވީ، އެބޭފުޅާ މި އިންތިހާބުގައި ވާދަކުރައްވަނީ ފަށާފައިވާ މަސައްކަތް ފުރިހަމަ ކުރެއްވުމަށެވެ. އަދި އިގްތިޞާދު ސްޓޭބަލައިޒް ކުރުމަކީ އެބޭފުޅާގެ އެންމެ މުހިންމު އަމާޒުކަމުގައި ވިދާޅުވިއެވެ.

ސްރީލަންކާގެ އިގްތިޞާދު އޮތީ އަދިވެސް ނުރައްކާތެރި ފައްތަރެއްގައެވެ. އަދާނުކުރެވޭނެހާ ބޮޑު ދަރަންޏާއި، ކޮވިޑް-19 ގެ ސަބަބުން ކުރިމަތިވި އުނދަގޫ ދުވަސްތަކާއި އަދި ތެލާއި، ކާބޯތަކެއްޗާއި، ބޭސް ލިބުން ދަތިވުމާއި ގުޅިގެން 2022 ގައި ފެށި މުޒާހަރާތަކާއެކު، އޭރު ރައީސަކަށް ހުންނެވި ގޮޓަބާޔާ ރަޖަޕަކްޝާ ވަނީ ރައީސްކަމުން އިސްތިއުފާ ދެއްވާފައެވެ.

އޭގެ ފަހުން ރަނިލް ވެރިކަމަށް ވަޑައިގެން، ގައުމުގެ އިގްތިޞާދު ހަމަޔަކަށް އެޅުވުމަށް އަންނަވަނީ ގިނަ މަސައްކަތްތަކެއް ކުރައްވަމުންނެވެ. އެގޮތުން މީގެ ދެ އަހަރުކުރިން %70 ގައި ހުރި އިންފްލޭޝަން މިހާރު ވަނީ %5 އަށް ދަށްވެފައެވެ. އަދި ފައިސާގެ އަގު ރަގަޅުވެ، ގައުމުގެ ރިޒާވް ވަނީ ބޮޑުކުރެވިފައެވެ.

މީގެ އިތުރުން، އިންޑިއާ، ޖަޕާން އަދި ފަރަންސޭސިވިލާތުން ނަގާފައިވާ ލޯނުތައް ދިގުދައްމާލުމަށް އެ ގައުމުތަކުން ވަނީ އެއްބަސްވެފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.