Advertisement

12 Aug 2024
ޕެރިސް އޮލިމްޕިކްސް 2024
މިފްތާޙް މުޙައްމަދު

އޮލިމްޕިކްސްގެ ދިގު ތިން ދުވުމުން މެޑަލް ހޯދި ފުރަތަމަ އަންހެނަކަށް ސިފާން ހަސަން

ޕެރިހުގައި ކުރިޔަށް ދިޔަ އޮލިމްޕިކްސްގެ އެންމެ ފަހު ގޭމުން ރަން މެޑަލް ހޯދައި، އޮލިމްޕިކްސްގެ އެއް މުބާރާތެއްގައި ތިން ދިގު ދުވުމުން މެޑަލް ހޯދި ފުރަތަމަ އަންހެން އެތުލީޓުގެ މަގާމު، އިތިއޯޕިއާންއިން ރެފިއުޖީއެއްގެ ގޮތުގައި ނެދަލޭންޑްސްއަށް ބަދަލުވެ، އެގައުމުގެ ރަށްވެހިކަން ހޯދާފައިވާ ސިފާން ހަސަން ހާސިލްކޮށްފިއެވެ. އޭނާވަނީ މެރަތަން އިން ރަން މެޑަލް ހޯދާ، 10 ކިލޯމީޓަރު ދުވުމާއި 5 ކިލޯމީޓަރު ދުވުމުން ލޯ މެޑަލް ހޯދާފައެވެ.

އާދީއްދަ ދުވަހު އޮތް އަންހެނުންގެ މެރަތަން ސިފާން ކާމިޔާބު ކޮށްފައިވަނީ ވެސް އޮލިމްޕިކްސް ރެކޯޑަކާއެކުއެވެ. އެއީ މެރަތަންގައި ދުނިޔެ ދުށް އެންމެ ބާރު ދެ އަންހެން ދުވުންތެރިންގެ މެދުގައި ހިނގި ފޯރިގަދަ ކުރިމަތިލުމަކަށްފަހުއެވެ.

މެރަތަން ދުވުމުން ދުނިޔޭގެ ރެކޯޑު އޮންނަ، އިތިއޯޕިއާގެ ޓިގިސްޓް އަސެފާ ފަހަތަށް ޖައްސާލުމަށްފަހު ސިފާން ރަން މެޑަލް ހޯދީ، ސްޕްރިންޓެއްގައި ގޮސް 2:22:55 އިން ރޭސް ނިންމައިގެންނެވެ. އަދި ދުނިޔޭގެ މެރަތަން ރެކޯޑު ފޮތުގައި ސިފާންގެ ކުރިޔަށް އިންނަ އަސެފާއަށް ރޭސް ނިންމުނީ އޭގެ 3 ސިކުންތު ފަހުން، 2:22:58 އިންނެވެ. މި ރޭހުން ލޯ މެޑަލް ހޯދީ 2:23:10 އިން ރޭސް ނިންމައިގެން ކެންޔާގެ ހެލެން އޮބިރީއެވެ.

ސިފާން މި ފަހަރުގެ ގޭމްސްގައި ހޯދި 3 މެޑަލްއަކީ ގިނަ ބަޔަކަށް ގަބޫލު ކުރެވޭނެ ކާމިޔާބެއް ނޫނެވެ. އޭނާ މެރަތަން އިން ރަން މެޑަލް މި ހޯދީ، 10 ކިލޯ މީޓަރު ރޭސް ނިންމިތާ 37 ގަޑި އިރު ފަހުންނެވެ. އަދި މެރަތަން ރޭހާ، އޭނާގެ 5 ކިލޯމީޓަރުގެ ދުވުމާ ދޭތެރޭގައި ހޭދަވީ 6 ދުވަހެވެ.

މި ކާމިޔާބާއެކީ ސިފާން މިވަނީ އޮލިމްޕިކްސްގައި ޖުމްލަ 6 މެޑަލް ހޯދާފައެވެ. އޭނާވަނީ ޓޯކްޔޯ އޮލިމްޕިކްސްގައި 10 ކިލޯމީޓަރު ދުވުމާއި 5 ކިލޯ މީޓަރު ދުވުމުން ރަން މެޑަލް ހޯދާ، ހަމަ އެ ގޭމްސްގައި 1500 މީޓަރު ދުވުމުން ލޯ މެޑަލް ހޯދާފައެވެ.

ކޮމެންޓް
އިތުރު އާޓިކަލް
03 Apr 2025
މޯލްޑިްވްސް ޕޮލިސް ސަރވިސް
އިނގިލި ބުރިކޮށްލަން އުޅުނު މީހަކު އެހެން މައްސަލައެއްގައި ހައްޔަރަށް
ހުޅުމާލޭގައި މީހަކު ރަހީނު ކުރުމަށް ފަހު އޭނާގެ އިނގިލި ބުރިކޮށްލަން އުޅުނު މައްސަލައިގައި ހައްޔަރު ކުރި މީހުންގެ ތެރޭގައި ހިމެނޭ މީހަކު އަނެއްކާ ވެސް ހައްޔަރުކޮށްފިއެވެ.
03 Apr 2025
ވެލާނާ އިންޓަނޭޝަނަލް އެއާޕޯޓް
އެއާރޕޯޓު ބާރުބޮޑުވާނެތީ އެކަމަށް ސަމާލުވުމަށް އަންގައިފި
ހުކުރު ދުވަހުގެ މެންދުރުފަހު ޢުމްރާއިން މީހުން އެނބުރި އަންނާނެތީ، ވެލާނާ އެއަރޕޯޓު ބާރުބޮޑުވާނެ ކަމަށް ލަފާކޮށް، ފުރަންދާ ފަރާތްތަކުން ދުރާލާ އެއަރޕޯޓަށް ދިއުމަށް އިލްތިމާސްކޮށްފިއެވެ.
03 Apr 2025
ސްޓެލްކޯ
ބިލް ބޮޑުވީ ހޫނު ގަދަވެ ބޭނުންކުރިވަރު އިތުރުވުމުން: ސްޓެލްކޯ
ކަރަންޓުން ދިހަ އިންސައްތައިގެ ޓިސްކައުންޓެއް ދީފައިވީނަމަވެސް، ބިލް ބޮޑުވީ ހޫނު މޫސުމާ ދިމާވެ، ކަރަން ބޭނުންކުރެވޭ މިންވަރު އިތުރުވުމުން ކަމަށް ސްޓެލްކޯ އިން ބުނެފިއެވެ.
02 Apr 2025
ޚަބަރު
ހޮޅުދޫ ބޯޓުގައި ރޯވެ އެބޯޓުގައި ހުރި ޒުވާނަކު ގެއްލިއްޖެ
އެމްއެންޑީއެފުން ވިދާޅުވީ، ގެއްލިގެން ހޯދަމުން ދަނީ، ލ.މާވަށަށް ނިސްބަތްވާ 25 އަހަރުގެ އަލީ މުޝްފިގް މުހައްމަދު ކަމަށެވެ. އޭނާގެ އިތުރުން އެބޯޓުން ދަތުރު ކުރި އެހެން މީހުން ވަނީ، ސަލާމަތް ވެފައެވެ. އޭގެ ތެރެއިން ދެމީހަކަށް، ތ. ކަނޑޫދޫ ޞިއްޙީ މަރުކަޒުގައި ފަރުވާދެމުން އަންނަ ކަމުގައިވެސް އެމްއެންޑީއެފުން ވިދާޅުވިއެވެ.