ޕާކިސްތާނުގެ އަރުޝަދު ނަދީމް، 32 އަހަރަށްފަހު އެ ގައުމަށް ފުރަތަމަ ފަހަރަށް އޮލިމްޕިކްސްގައި ރަން މެޑަލް ހޯދައިދީފިއެވެ. އަދި މިއީ ޕާކިސްތާނަށް އޮލިމްޕިކްސް ގައި ލިބުނު ފުރަތަމަ އިންޑިވިޖުއަލް މެޑަލް ވެސް މެއެވެ.

ފިރިހެނުންގެ ޖެވެލިން ތުރޯ އިން އަރުޝަދު އެއްވަނަ ހޯދީ، މި ގޭމުގައި ޓޯކްޔޯ 2020 ގައި ރަން މެޑަލް ހޯދި އިންޑިއާގެ ނީރަޖް ޗޯޕްރާ ފަހަތަށް ޖައްސާލުމަށް ފަހުއެވެ.

އުމުރުން 27 އަހަރުގެ އަރުޝަދަށް މިއީ އެއް ގޮތަށް ވުރެން ގިނަ ގޮތް ގޮތުން ހާއްސަ މެޑަލް އެކެވެ. ފުރަތަމަ ކަމަކަށް، އޭނާ ޖުވެލިން އެއްލި ދުރުމިނެވެ. އޭނާ ވަނީ 92.97 މީޓަރަށް ޖުވެލިން އެއްލާ، އޮލިމްޕިކްސްގެ ރެކޯޑެއް ހަދާފައެވެ. އަދި މިއީ ޕާކިސްތާނުގެ ފުރަތަމަ އިންޑިވިޖުއަލް ރަން މެޑަލްގެ އިތުރުން، މީގެ 32 އަހަރު ކުރިން، 1984 ގައި އެ ގައުމުގެ ހޮކީ ޓީމުން ރަން މެޑަލް ހޯދިފަހުން ލިބުނު ފުރަތަމަ ރަން މެޑަލް ވެސް މެއެވެ.

މި ކާމިޔާބީގެ އިތުރުން، ޖުވެލިން ތުރޯ އިން ނަދީމް ވަނީ 2022 ވަނަ އަހަރު އޮތް ކޮމޮންވެލްޓު ގޭމްސްގައި ރަން މެޑަލް ހޯދާ، އަދި އެ އަހަރު އޮތް ވޯލްޑް ޗެމްޕިއަންޝިޕްގައި ރިހި މެޑަލްވެސް  ހޯދާފައެވެ.

ނަދީމްގެ މި ކާމިޔާބާ ގުޅިގެން ކަރާޗީގެ މަގުތަކަށް މީހުން ނިކުމެ ދަނީ އުފާފާޅު ކުރަމުންނެވެ.

އަދި މި ކާމިޔާބާ ގުޅިގެން ޕާކިސްތާނުގެ ސަރުކާރުން އަރުޝަދަށް 179،264 ޑޮލަރުގެ ފައިސާގެ އިނާމެއް ދޭން ނިންމާފައިވާކަމަށް ވެސް ވަނީ އިއުލާނުކޮށްފައެވެ.