7.1 މެގްނިޓިއުޑްގެ ބާރުގަދަ ބިންހެލުމެއް ޖަޕާނުގެ ހުޅަނގުދެކުނުގައި އޮންނަ މިޔަޒާކީއަށް އަތުވެއްޖެއެވެ. މި ބިންހެލުމާ ގުޅިގެން ސުނާމީ އެއްގެ އިންޒާރު ޖަޕާނުގެ މީޓިއޮރޮލޮޖިކަލް އެޖެންސީ (ޖޭއެމްއޭ) އިން ނެރުނު ނަމަވެސް، މިހާރު އެ އިންޒާރު ވަނީ އުވާލާފައެވެ.

ޖޭއެމްއޭ އިން ހާމަކޮށްފައިވާ ގޮތުގައި، މި ސުނާމީގެ އަސަރު ޖަޕާނަށް ކޮށްފައިވަނީ ބުރާސްފަތި ދުވަހުގެ ހަވީރު 4:43 (ޖީއެމްޓީ ގަޑިން 7:43) ގައެވެ.

މި ބިންހެލުމާ ގުޅިގެން ޖަޕާނުގެ ޗީފް ކެބިނެޓް ސެކްރެޓަރީ، ޔޮޝިމަސަ ހަޔަސި ހާމަކޮށްފައިވާ ގޮތުގައި، މި ބިންހެލުމުގެ އަސަރު އެ ގައުމުގެ ނިއުކްލިއަރ ޕަވާރ ޕްލާންޓުތަކަށް ކޮށްފައެއް ނުވެއެވެ. މީގެ އިތުރުން، ފެނާއި ނަރުދަމާ އާއި އެ ގައުމުގެ މުހިންމު އެއްވެސް އިންފްރާސްޓްރަކްޗަރ އަކަށް ވެސް ގެއްލުމެއް ނުލިބޭ ކަމަށް ހަޔަސި ވަނީ ހާމަކޮށްފައެވެ.

ބިންހެލުމަށްފަހު ޖޭއެމްއޭގެ ޕެނަލް އިން އިތުރަށް ހާމަކުރީ، ފުރަތަމަ ބިންހެލުމާ ގުޅިގެން އިތުރު ބިންހެލުމެއް އަންނާނެ ކަމަށް ލަފާ ނުކުރެވޭ ކަމަށެވެ.