އީފާސް ސިސްޓަމަށް ދިމާވި ޓެކްނިކަލް މައްސަލައަކާ ގުޅިގެން، އެ ހިދުމަތް ބޭނުން ކުރުމުގައި ދަތިތަކާއި ކުރިމަތިލާން ޖެހިދާނެކަމަށް، ޑިޖިޓަލް ޚިދުމަތް ފޯރުކޮށްދޭ ޤައުމީ އިދާރާ، ނޭޝަނަލް ސެންޓަރ ފޯރ އިންފޮމޭޝަން ޓެކްނޮލޮޖީ (އެންސީއައިޓީ) އިން ބުނެފިއެވެ.

އެ އިދާރާއިން ސޯޝަލް މީޑިއާގައި ކުރި ޕޯސްޓެއްގައި ބުނީ، ދިމާވެފައިވާ މައްސަލަ ހައްލު ކުރުމަށް މިހާރު މަސައްކަތް ކުރަމުން ދާ ކަމަށެވެ.

އީފާސްއަކީ ދިވެހިރާއްޖޭގެ ޑިޖިޓަލް އައިޑެންޓިޓީއެވެ. އީފާސް ޑިވެލޮޕްކޮށް ބަލަހައްޓަނީ އެންސީއައިޓީއިންނެވެ.

ސަރުކާރުގެ ބައެއް ހިދުމަތްތަކަށް މިހާރު އީފާސް މެދުވެރިކޮށް އެދިލެއްވެއެވެ.