ކްރިކެޓުން ބައިނަލްއަގްވާމީ ފެންވަރުގައި ރާއްޖެ ތަމްސީލު ކުރެވޭނެ ފެނަވަރުގެ ޓީމެއް އެކުލަވާލުމުގެ އަމާޒުގައި، ފެންވަރު ރަގަޅު ކްރިކެޓް ސްޓޭޑިއަމެއް ތަރައްގީ ކުރުމަށް ސަރުކާރުން ނިންމާފައިވާކަމަށް، ކުޅިވަރާ ބެހޭ ވަޒީރު އަބްދުالله ރާފިއު ވިދާޅުވެއްޖެއެވެ. މިނިސްޓަރ ރާފިއު މިހެން ވިދާޅުވީ، ހޮނިހިރު ދުވަހު ނިމުނު ޓީ20 ޕްރެޒިޑެންޓްސް ކަޕްގެ އިނާމު ދިނުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.

މިނިސްޓަރ ފާހަގަ ކުރެއްވި ގޮތުގައި، އޭޝިއާ ބައްރަކީ ދުނިޔޭގެ ފެންވަރުގެ މޮޅެތި ކުޅުންތެރިން އުފެދިފައިވާ ސަރަހައްދެއް ކަމަށާއި، އެހެންކަމުން ފެންވަރު ރަގަޅު ވަސީލަތްތަކާއެކު ރާއްޖެއިން ވެސް އެފަދަ ހުނަރުތައް ކުރިޔަށް އޮތްތާ ފެނުމަކީ އެކަށީގެންވާކަމެއް ކަމަށް ގަބޫލުކުރުމުގެ ފުރުސަތު އެބައޮތެވެ.

ސަރުކާރުގެ ވިސްނުން ހާމަކުރައްވަމުން މިނިސްޓަރ ވިދާޅުވީ، ކްރިކެޓް ސްޓޭޑިއަމް ތަރައްގީ ކުރާނީ އެކުވެނީގައި ކަމަށެވެ. ނަމަވެސް އޭރުން ދުވާ ޓްރެކަށް އަންނާނެ ބަދަލެއް މިނިސްޓަރ ފާހަގަ ކުރައްވާފައެއް ނުވެއެވެ.

ރާއްޖޭގެ ކްރިކެޓު ކުރިއެރުވުމުގެ މަޝްވަރާ އަވަށްޓެރި ގައުމުތަކާ ވެސް ކޮށްފައިވާ ކަމަށާއި، މިކަމަށް ސްރީލަންކާ އިން އެއްބާރުލުން ދެއްވާނެކަމުގެ ފެހި ސިގްނަލް ލިބިފައިވާ ކަމަށް ވެސް މިނިސްޓަރުގެ ވާހަކަފުޅުގައި ފާހަގަ ކުރެއްވެވިއެވެ.

މިދިޔަ ސަރުކާރުގައި ވެސް ރާއްޖޭގައި ކުރިކެޓު ސްޓޭޑިއަމެއް އެޅުމުގެ ވާހަކަތައް ދެކެވުނެވެ. ނަމަވެސް އެކަމުގެ އަމަލީ މަސައްކަތް އޭރު ފެށޭ ގޮތް ވަނީ ނުވެފައެވެ.