Islamee kanthahthakaa behey vazeeru Saudi ah

Advertisement

04 Aug 2024

ޚަބަރު

އިސްލާމީ ކަންތައްތައް ބެހޭ މަހާސިންތާގައި ބައިވެރިވުމަށް ވަޒީރު ސައުދީއަށް

އިސްލާމީ ގައުމުތަކުގެ އިސްލާމީ ވުޒާރާތަކަށް އަމާޒުކޮށް ބާއްވަމުން އަންނަ ބައިނަލްއަޤްވާމީ މަހާސިންތާގައި ބައިވެރިވެވަޑައިގަތުމަށް އިސްލާމީ ކަންތައްތަކާ ބެހޭ ވަޒީރު، ޑރ. މުޙައްމަދު ޝަހީމް ޢަލީ ސަޢީދު ސަޢޫދީ ޢަރަބިއްޔާއަށް ވަޑައިގެންފިއެވެ.

މައްކާގައި ބޭއްވުމަށް ހަމަޖެހިފައިވާ މި ބައިނަލްއަޤްވާމީ މަހާސިންތާއަކީ މީގެ 9 ވަނަ ސެޝަންއެވެ. އަދި ދެ ދުވަހަށް ދެމިގެންދާ މިފަހަރުގެ ސެޝަން ފެށުމަށް ހަމަޖެހިފައިވަނީ މިއަދުއެވެ.

އިސްލާމީ އުންމަތުގެ މުހިއްމު މަޢުޟޫއުތަކަށް ޢިލްމީ ކަރުދާސްތައް ހުށައެޅިގެންދާ މި ކޮންފެރެންސްގައި އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު ބައެއް ސެޝަންތައް ޗެއަރކޮށްދެއްވުމަށް ވަނީ ހަމަޖެހިފައެވެ.

ވަޒީރުގެ މި ދަތުރުފުޅުގައި މަސްޖިދުއްސުލްޠާން މުޙައްމަދު ތަކުރުފާނުލް ޢައުޡަމްގެ އިސް އިމާމު، ފަޟީލަތުއްޝައިޚް މުޙައްމަދު ލަޠީފުގެ އިތުރުން، ސީނިއަރ ޕޮލިޓިކަލް ޑިރެކްޓަރް އައްޝައިޚް އިމްތިޠާއު ޢައްބާސް ބައިވެރިވެވަޑައިގަންނަވައެވެ. މި ދަތުރުފުޅު ނިންމަވާލެއްވުމަށް ފަހު އިސްލާމީ ކަންތައްތަކާ ބެހޭ ވަޒީރު އެނބުރި ރާއްޖެ ވަޑައިގެންނެވުމަށް ހަމަޖެހިފައިވަނީ މި މަހުގެ 7 ވަނަ ދުވަހުގައެވެ.

ޚަބަރު އިސްލާމިކް މިނިސްޓަރު ޑރ. މުހައްމަދު ޝަހީމް

ކޮމެންޓް

އިތުރު އާޓިކަލް

ހޯމަ ދުވަހުން ފެށިގެން ކަދުރު ބަހަން ފަށަނީ

އެމިނިސްޓްރީން ވިދާޅުވީ، އަންނަ ހޯމަ ދުވަހުންފެށިގެން، ފެބުރުއަރީ މަހުގެ 6 ވަނަ ދުވަހާއި ހަމައަށް ކަދުރު ބެހުން ކުރިޔަށް ގެންދާނެ ކަމަށެވެ. މިގޮތުން މާލެ ސަރަހައްދުގެ އާއްމު ގޭބިސީތަކަށް ކަދުރު ދޫކުރުން ކުރިޔަށްދާނީ، ހުކުރު ދުވަސް ފިޔަވައި އެހެން ދުވަސްތަކުގައި ހެނދުނު 9:30 އިން 13:00އަށް އިސްލާމީ މަރުކަޒުގައެވެ.

ފަލަސްޠީނުގެ ރައްޔިތުންނަށް ބަދަލުދޭން ރައީސް ގޮވާލައްވައިފި

ރައީސް މިހެން ވިދާޅުވީ، ޣައްޒާއަށް ދޭ ހަމަލާތައް މެދުކަނޑާލަން ނިންމަން މެދުވެރި ވެދިން ފަރާތްތަކުން ކުރި މަސައްކަތް ފާހަގަ ކުރައްވައި، އެ ފަރާތްތަކުގެ އަގު ވަޒަންކުރައްވާ ނެރުއްވި ބަޔާނުގައެވެ.

ވަގުފޯމުތަކުގެ މައްސަލަ ތަޙްޤީޤުކުރުމަށް ފުލުހުންގެ މައްޗަށް އަމުރުކޮށްދޭން އެމްޑީޕީން އެދިއްޖެ

އެޕާޓީން ހާމަކޮށްފައިވާ ގޮތުގައި، އެ މައްސަލަތައް ތަހުގީގު ކުރުމަށް އެ ދެ އިދާރާގެ މައްޗަށް އަމުރުކޮށްދެއްވުމަށް އެދި ޕީޖީގައި ވެސް އެޕާޓީން ވަނީ އެދިފައެވެ. މީގެ އިތުރުން، ޕީއެންސީން ހުށަހެޅި އެއްވެސް ފޯމެއް ޕްރޮސެސް ނުކުރުމަށާއި، ޕްރޮސެސް ކުރި ފޯމުތައް ކެންސަލްކޮށް، އެ ފޯމުތަކުގެ ޞައްޙަކަން އަލުން ކަށަވަރުކުރުމަށް އެދި އިލެކްޝަންސް ކޮމިޝަނަށް ވެސް ސިޓީއެއް ފޮނުވާފައިވާކަމުގައި އެމްޑީޕީން ވަނީ ހާމަކޮށްފައެވެ.

ނުކުޅެދޭ ކުއްޖަކަށް ޓީޗަރަކު އަނިޔާކުރި މައްސަލައެއް ބަލަންފަށައިފި

ފުލުހުންގެ އިދާރާއިން ވިދާޅުވީ، މާލޭގެ ސްކޫލެއްގެ ޓީޗަރަކު އެސްކޫލެ ހާއްސައެހީއަށް ބޭނުންވާ ދަރިވަރަކަށް އަނިޔާކުރި މައްސަލައެއް ރިޕޯޓްކޮށްފައިވާ ކަމަށެވެ. އެހެންނަަމަވެސް އެކަން ހިނގާފައި ވަނީ ކޮން ސްކޫލެއްގައިކަމެއް އަދި އެޓީޗަރަކީ ދިވެހި ޓީޗަރެއްކަމެއް ނުވަތަ ބިދޭސީ ޓީޗަރެއް ކަމެއް ފުލުހުންގެ އިދާރާއިން ހާމަކުރައްވާފައެއް ނުވެއެވެ.