Advertisement

03 Aug 2024
ދުނިޔެ
މިފްތާޙް މުޙައްމަދު

އިރާނުން އިޒްރޭލަށް ދީފާނެ ހަމަލާއަކަށް ވިސްނައި، އެމެރިކާއިން މެދުއިރުމައްޗަށް ހަނގުރާމަމަތީ އިތުރު ސާމާނު ފޮނުވަން ނިންމައިފި

އިރާނުން އިޒްރޭލަށް ދީފާނެ ހަމަލާއަކަށް ވިސްނައި، އެމެރިކާއިން މެދުއިރުމައްޗަށް ހަނގުރާމަމަތީ އިތުރު މަނަވަރާއި ސާމާނު ފޮނުވަން ނިންމާފައިވާކަމަށް އެ ގައުމުގެ ދިފާއީ ބާރުން ހާމަކޮށްފިއެވެ.

މިކަން ހާމަކޮށް ޕެންޓެގަންގެ ތަރުޖަމާނު ސަބްރީނާ ސިންގު ބުނީ، މިދިޔަ އަހަރުގެ އޮކްޓޯބަރު މަހާއި އަދި މި އަހަރުގެ އެޕްރީލްގައި ހާމަކޮށްފައިވާނޭހެން، އެމީހުން އޮތީ ދުނިޔޭގެ ހަތަރު ބިތުގެ ހާލަތަށް ރަގަޅަށް ފާރަވެރިވެ ކަމަށާއި، އެމެރިކާގެ ސަލާމަތާއި ރައްކާތެރިކަން ކަށަވަރު ކުރުމަށް ކިތަންމެ ކުރު މުއްދަތެއްގައި ސިފައިންނާއި ހަތިޔާރު ދިމަދިމާއަށް ފޮނުވޭނެ ފަދަ ތައްޔާރީ ހާލަތެއް ކުރިމަތި ވިޔަސް އެކަމަށް ތައްޔާރުވެ ކަމަށެވެ.

އެގޮތުން، އިޒްރޭލާއި އިރާނުގެ ހަމަނުޖެހުން ހޫނުވެފައިވުމާ ގުޅިގެން، މެދުއިރުމަތީގައި ތިބި އެމެރިކާ ސިފައިން ހިމާޔަތް ކުރުމަށާއި އިޒްރޭލުގެ ހިމާޔަތުގައި އެމެރިކާގެ ހަނގުރާމަމަތީ ސާމާނު ފޮނުވުމަށް ނިންމާފައިވާކަމަށް އޭނާ ހާމަކުރިއެވެ.

ޕެންޓެގަން އިން މިކަން އިއުލާން މިކުރީ، އިރާންގައި ހުންނަވަނިކޮށް ހަމާސް އާއި ހިޒްބުﷲގެ ލީޑަރެއް ކަމުގައިވާ އިސްމާއީލް ހާނިޔާ ޝަހީދުކޮށްލިތާ މަދު ދުވަސްކޮޅެއްގެ ތެރޭގައެވެ.

ހާނިޔާ ޝަހީދު ކޮށްލަން ދިން ހަމަލާއަކީ އޭނާ އިރާނުގައި ހުއްޓައި ދިން ހަމަލާއެއްކަމަށްވެފައި، މިކަން ކުރީ އެޒްރޭލުންކަމަށް ގަބޫލު ކުރެވޭތީ، އިރާނުން ދަނީ އިޒްރޭލާ ދެކޮޅަށް ބަދަލު ހިފުމަށް ތައްޔާރުވަމުން ކަމަށް މީޑިއާ ރިޕޯޓުތައް ބުނެއެވެ. އެހެންކަމުން، މިކަމާ ގުޅިގެން މެދުއިރުމަތީގެ ހަމަނުޖެހުން އިތުރަށް ގޯސްވެގެން ދާނެކަމަށް ގަބޫލު ކުރެވެއެވެ.

މީގެ އިތުރުން، މެދުއިރުމަތީގައި ސަލާމަތީ ކަންކަން ވަރުގަދަ ކުރަން ނިންމީ އިޒްރޭލުން އެކަމަށް އެދިގެން ކަމަށް ވެސް ޕެންޓެގަންގެ ތަރުޖަމާނު ވަނީ ހާމަކޮށްފައެވެ.

ކޮމެންޓް
އިތުރު އާޓިކަލް
20 Aug 2025
ޚަބަރު
ދީނީ ފަންޑެއްތޯ ނުވަތަ ޓޫރިޒަމް ވެންޗާއެއްތޯ؟
މޯލްޑިވްސް ހައްޖު ކޯޕަރޭޝަނުން އާދަޔާ ހިލާފު ފެންގަނޑަކަށް ފިޔަވަޅު އަޅަމުންދާއިރު، ސަރުކާރުގެ ކޯރިޑޯތަކުގައި މަޑުމަޑުން ތޫފާނެއް އަރަމުންދާއިރު — "އިސްލާމީ ފަތުރުވެރިކަން" ގެ ބެނާގެ ދަށުން މާފުށީގައި ހޮޓަލެއް ކުއްޔަށް ހިފުން، ފާޑުކިޔާ މީހުން ބުނާ ގޮތުގައި ރިސްކު ބޮޑު އަދި ސުވާލު އުފެދޭ މެންޑޭޓް ފުޅާކުރުމެވެ.
20 Aug 2025
ޚަބަރު
މިނިވަން ނޫސްވެރިކަން ނިމެނީބާ؟!
20 Aug 2025
ޚަބަރު
ކައުންސިލްތަކުގެ ދައުރުތައް އުވި ކަތީބުކަމަށް!!!؟
މިމަހުގެ ކުރީކޮޅު (ސެޕްޓެމްބަރު) ކުރިއަށްދާ މަޖިލީހުގެ ދެވަނަ ޖަލްސާގައި ވާހަކަފުޅު ދައްކަވަމުން ރައީސް މުއިއްޒު ވަނީ ކައުންސިލްތަކުގެ މަސައްކަތަށް ފާޑުވިދާޅުވެފަ އެވެ. "އެއްތަނެއްގައި ވެސް އޭގެ ދައުރު އަދާކުރާ އެންމެ ކައުންސިލެއް ނެތް. އެކަމުން އެއްވެސް ފައިދާއެއް ނުލިބޭ. އޭގެ ބަދަލުގައި ބޭނުންވަނީ ޖަޒީރާ ވެރިންގެ ދަށުން އިދާރީ މެޝިނަރީ ހަރުދަނާކުރުން. ޖަޒީރާ ހިންގުން އިސްލާހު ކުރަން ނުކުޅެދިއްޖެ ނަމަ ދެން މި ކައުންސިލްތައް ބެހެއްޓުމުގެ ބޭނުމެއް ނެތް،" ޝަރީފް ވިދާޅުވި އެވެ.
03 Jul 2025
ރައީސުލް ޖުމްހޫރިއްޔާ ޑރ. މުޙައްމަދު މުޢިއްޒު
ރައީސުލްޖުމްހޫރިއްޔާގެ ދެކަނބަލުން ސިންގަޕޫރަށް ކުރެއްވި ދަތުރުފުޅު ނިންމަވާލައްވައިފި
ސިންގަޕޫރުގެ ރައީސް ތަރްމަން ޝަންމުގަރަނަމްގެ ދަޢުވަތަކަށް، އެ ޤައުމަށް ކުރެއްވި ފުރަމާނަ ދަތުރުފުޅު ނިންމަވާލެއްވުމަށްފަހު، ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު އާއި އެމަނިކުފާނުގެ އަނބިކަނބަލުން މެޑަމް ސާޖިދާ މުޙައްމަދު މާލެވަޑައިގަންނަވައިފިއެވެ.